Hjartadagshlaupið
Hlaupnir verða 5 km og 10 km með tímatöku, sjá nánari lýsingu og kort af hlaupaleið hér fyrir neðan.

Tími og staður
Sunnudaginn 27. september 2009 á Hálsatorgi í Kópavogi, gegnt Bókasafni Kópavogs og Salnum. 5 og 10 km hlaup hefjast kl. 11:00

Tímataka og flokkaskipting
Tími verður mældur í 5 og 10 km hlaupi. Úrslit birt eftir aldursflokkum í karla- og kvennaflokki, sjá eftirfarandi lista:

• 16 ára og yngri
• 17-39 ára
• 40 ára og eldri

Úrslit
Þegar úrslit liggja fyrir verður hægt að sjá þau á hjarta.is og á hlaup.is.

Verðlaun og viðurkenningar
Allir sem ljúka hlaupi fá þátttökuverðlaunapening. Veitt verða vegleg verðlaun fyrir fyrsta karl og konu í 5 og 10 km hlaupi. Einnig verða veitt vegleg úrdráttarverðlaun. Verðlaunaafhending fer fram strax að hlaupi loknu.

Þátttökugjald
Ekkert skráningargjald.

Skráning
Forskráning er á hlaup.is en einnig verður skráning á undan hlaupinu þann 27. september. Á hlaup.is geta hlauparar forskráð sig í hlaupið. Þetta er til mikilla þæginda fyrir hlaupara, sem þurfa þá bara að fá afhent númer þegar þeir mæta í hlaup.

Hlaupaleiðin
Startað á Hálsatorgi og komið aftur í mark á Hálsatorgi. Nánari upplýsingar um hlaupaleiðina hér að neðan. Drykkjarstöð verður á Hálsatorgi við rásmark og jafnframt endamark. Þátttakendum verður einnig boðið frítt í Sundlaug Kópavogs eftir hlaup.

Stærra kort

Leiðarlýsing 5 km
Ræst er í hlaupið við hlið bókasafnsins á Hálsatorgi. Farið meðfram bókasafni á göngustíg, farið yfir Borgarholtsbraut á göngubraut og farið niður með Sunnhlíð niður á stíg og beygt til hægri á stígnum við undirgögn og farið eftir stígnum út á Kársnes fram hjá höfninni inn á Bakkbraut og henni fylgt eftir þar til að beygt er til hægri við Vesturvör og síðan beygt aftur til hægri inn Hafnarbraut og síðan til vinstri upp Nesvör og síðan til hægri inn á Kársnesbraut og síðan til vinstri inn á Borgarholtsbraut og farið að svæðinu við Gerðarsafn og Salinn. Þar er beygt til vinstri yfir lítið bílaplan og farið norðan meginn við Gerðarsafn og Salinn og síðan til hægri við Salinn og inn á Hálsatorg í endamark.

Leiðarlýsing 10 km
Ath. í 10 km hlaupi eru farnir tveir 5 km hringir. Ræst er í hlaupið við hlið bókasafnsins á Hálsatorgi. Farið meðfram bókasafni á göngustíg, farið yfir Borgarholtsbraut á göngubraut og farið niður með Sunnhlíð niður á stíg og beygt til hægri á stígnum við undirgögn og farið eftir stígnum út á Kársnes fram hjá höfninni inn á Bakkbraut og henni fylgt eftir þar til að beygt er til hægri við Vesturvör og síðan beygt aftur til hægri inn Hafnarbraut og síðan til vinstri upp Nesvör og síðan til hægri inn á Kársnesbraut og síðan til vinstri inn á Borgarholtsbraut (hlaupið vinstra megin á Borgarholtsbraut og farið að gangbrautinni yfir Borgarholtsbraut (sömu göngubraut og farið var yfir í byrjun hlaups). Sami hringur endurtekinn. 

Upplýsingar
Nánari upplýsingar gefur Bylgja í síma 535 1800 , tölvupóstfang bylgja@hjarta.is

Réttur til breytinga áskilinn.