Barðsneshlaupið 2010 verður haldið laugardaginn um verslunarmannahelgi eins og venjulega. Að þessu sinni er það 31. júlí.

Einnig verður upp á hálft hlaup frá Hellisfirði eins og undanfarin ár. Allar nánari upplýsingar eru á vef Barðsneshlaupsins.

Skráning
Forskráning í hlaupið á skráningarsíðu hlaup.is. Hægt er að forskrá sig fram til föstudagsins 30. júlí. kl. 16:00 hér á hlaup.is og á vef Barðsneshlaupsins (láta þá Rúnar Gunnarsson vita í síma 825-7061).

Skráningargjöld
Gjaldið er óbreytt frá síðasta ári, það er 3.000 fyrir Barðsneshlaup og 2.000 fyrir Hellisfjarðarhlaup. Ekki verður að þessu sinni tekið á móti skráningum á bryggjunni eins og verið hefur og eru ástæður þess að ferja þarf alla hlaupara sjóleiðis ýmist til Hellisfjarðar eða á Barðsnes og nauðsynlegt er að vita fyrirfram um fjölda til að næg fley sé til staðar í þá flutninga.

Eftir 20. júlí hækkar gjaldið fyrir báðar vegalengdir.

• Barðsneshlaup 27 km kostar kr. 3000 fram til og með 20. júlí, en eftir það kr. 4.000 allt til kl. 16:00 föstudaginn 30. júlí.
• Hellisfjarðarhlaup 13 km kostar kr. 2000 til og með 20. júlí. Eftir það 3.000 kr allt til kl. 16:00 föstudaginn 30. júlí

Hvað er innifalið?
Innifalið í skráningargjaldinu eru bátseferðir að Barðsnesi og í Hellisfjörð (aðra leiðina, þú átt helst að hlaupa landleiðina til baka!), vatn og íþróttadrykkir á 4 drykkjarstöðvum, létt hressing við markið, verðlaunapeningur og önnur verðlaun og frítt í sund + almenn ánægja og skemmtilegheit.

Bolir eru ekki innifaldir í verði, en hægt að kaupa fyrir kr. 2.000 aukalega. Bolirnir eru úr vönduðu efni, langerma, rauðir, merktir Barðsneshlaupi og 66°N.