Hlaupið hefur verið fellt niður.

Fimmvörðuhálshlaup Útivistar fer fram á Jónsmessuhelgi.  Hlaupið er ræst kl. 12 á laugardeginum (23. júní) og er hlaupið í slóð göngumanna í Jónsmessugöngu Útivistar sem gengu yfir hálsinn um nóttina. 

Hlaupaleiðin
Leiðin liggur eftir hinni sígildu gönguleið meðfram Skógaá upp að vaði, þaðan um nýstikaða leið með vestari kvísl árinnar og um hæsta hrygg leiðarinnar skammt vestan við skála Útivistar. Þaðan er nýju leiðinni fylgt áfram uns hún sameinast hinni eldri þar sem farið er inn á nýja hraunið Hlaupið verður í gegnum eldstöðvarnar þar sem Magni og Móði rísa og hlaupið eftir brún gígsins við Magna. Handan eldstöðvanna er farið yfir Bröttufönn, Heljarkamb og Morinsheiði, um Foldir og Kattahryggir og endað á sléttlendinu í Básum á Goðalandi.

Skráningar
Skráningargjaldið fyrir hlaupið er 6.000 kr.

Einnig er hægt að taka helgarpakka og þá er skráningargjald kr. 25.500 almennt gjald og kr. 21.500 fyrir félagsmenn í Útivist. Innifalið í skráningargjaldi er rúta að Skógum, rúta úr Básum á sunnudegi, tjaldgisting í Básum (komið með eigin tjöld), flutningur á farangri í Bása (trúss) og grillmáltíð á laugardagskvöldi.

Lágmarksaldur er 18 ára. Með skráningu ábyrgist þátttakandi að hann er líkamlega í stakk búinn til að taka þátt í 24 km löngu fjallahlaupi í krefjandi landslagi. Hlaupaleiðin liggur upp í 1000 metra hæð yfir sjávarmáli og því skulu hlauparar gæta þess að vera hæfilega búinn.

Hámarksfjöldi þátttakanda er 60 hlauparar.

Rútuferðir
Boðið er upp á rútuferðir og fer rúta frá BSÍ kl. 9:00 og frá Hvolsvelli kl. 10:30 á laugardagsmorgun. Ekið er að Skógum þar sem hlaupið er ræst. 

Á sunnudeginum fara rútur úr Básum til Reykjavíkur upp úr hádegi. Þeir sem þess óska geta fengið akstur úr Básum á Hvolsvöll að lokinni verðlaunaafhendingu

Annað
Verðlaunaafhending fer fram að hlaupi loknu. Um kvöldið er grillveisla, varðeldur og gleði að hætti Útivistar.  Góð tjaldsvæði eru í Básum. 

Nánari upplýsingar
Á vef Útivistar www.utivist.is og hjá Skúla H. Skúlasyni skuli@utivist.is.