Miðnæturhlaup Suzuki fer fram í 20. sinn þann 21. júní 2012

Í Miðnæturhlaupi Suzuki 2012 verður boðið upp á þrjár vegalengdir á nýrri og krefjandi braut

• Hálfmaraþon (21,1 km) - Ræst kl. 21:20
• 5 kílómetra hlaup - Ræst kl. 21:50
• 10 kílómetra hlaup - Ræst kl. 22:00

Hlaupaleiðir
Hlaupið hefst á Engjavegi nálægt Skautahöllinni í Laugardal og endar í trjágögunum við þvottalaugarnar í Laugardal. Að mestu er hlaupið á stígum. Smellið á kortin af leiðunum til að skoða stærri mynd.

Hálfmaraþon: Hlaupið er alla leið upp Elliðaárdalinn og framhjá svæði Fáks í Víðidal. Þaðan er farið upp að Rauðavatni og Morgunblaðshúsinu. Síðan hlaupið yfir Grafarholt og niður Grafarvoginn. Frá bryggjuhverfinu í Grafarvogi er farið inn í Laugardalinn aftur.

Smelltu á myndina til að sjá stærra kort.

10 km: 10 km hlaupaleiðin liggur í gegnum Laugardalinn og upp að stíflunni í Elliðaárdal og til baka.

 
Smelltu á myndina til að sjá stærra kort.

5 km: Í 5 km hlaupinu er hlaupin skemmtileg leið í kringum Laugardalinn. Leiðin er nokkuð svipuð þeirri sem farin hefur verið undanfarin ár en breytist þó aðeins vegna nýs upphafs og endis.

Smelltu á myndina til að sjá stærra kort.

Skráning
Forskráning í Miðnæturhlaup Suzuki hefst þriðjudaginn 10.apríl. Forskráningu lýkur 19. júní á miðnætti. Skráning fer fram á www.marathon.is.

Skráningargögn verða afhent í Skautahöllinni í Laugardal á hlaupadegi frá kl. 16:00. 

Flokkaskipting

Hálfmaraþon

• 18 ára og yngri
• 19-39 ára
• 40-49 ára
• 50-59 ára
• 60 ára og eldri

10 km hlaup

• 18 ára og yngri
• 19-39 ára
• 40-49 ára
• 50-59 ára
• 60 ára og eldri

5 km hlaup

• 15 ára og yngri
• 16-18 ára
• 19-39 ára
• 40-49 ára
• 50-59 ára
• 60 ára og eldri

Verðlaun
Verðlaunapeningur er veittur fyrir 1. sæti karla og kvenna í ofangreindum aldursflokkum.

Þátttökuverðlaun eru í boði fyrir þau sem velja það í skráningarferlinu.

Sérverðlaun hlaupsins eru:

• Verðlaun fyrir 1.-3.sæti karla og kvenna í hálfu maraþoni, 10 km og 5 km.
• Verðlaun fyrir 1.sæti karla og kvenna í aldursflokkum í hálfu maraþoni, 10 km og 5 km.
• Útdráttarverðlaun

Tímataka
Flögutímataka er í öllum þremur vegalengdum hlaupsins. Festa þarf tímatökuflöguna við skóinn svo að tíminn skráist. Engin flaga = enginn tími.

Mikilvægt er að skila tímatökuflögunni þegar komið er í mark til starfsmanna hlaupsins. Athugið að tímatökuflagan gildir eingöngu í þetta ákveðna hlaup og hefur hver þátttakandi hana til leigu. Flagan hefur verið skráð á nafn þátttakanda og getur hann fengið bakreikning ef flögu er ekki skilað til starfsmanna.

Athugið að byssutími gildir til úrslita og röðunar í sæti.

Nánari upplýsingar
Á vef hlaupsins www.marathon.is

Það er mikill kostur að tilgreina kl hvað hlaupið hefst. Hefur mér kannski yfirsést það?

Rástímar eru komnir inn. Var ekki búinn að uppfæra eftir að þeir voru ákveðnir af Reykjavíkurmaraþoni. Þetta skrifast því á mig. Takk fyrir ábendinguna.

linkarnir á hlaupaleiðirnar eru dauðir, búið að breyta slóðinni:
http://marathon.is/midnight/midnaeturhlaup_21km.pdf
http://marathon.is/midnight/midnaeturhlaup_10km.pdf
http://marathon.is/midnight/midnaeturhlaup_5km.pdf