Barðsneshlaupið fór fram á laugardaginn 2. ágúst við ágætar aðstæður.

Met þátttaka var í hlaupinu en 38 fóru í heilt hlaup, það er um 27 km frá Barðsnesi og 17 fóru frá Hellisfirði sem er um það bil hálft Barðsneshlaup.

Allir keppendur komust í mark, margir voru að hlaupa í fyrsta sinn og voru mjög hrifnir af hlaupinu og hlaupaleiðinni. Sigurvegari í ár er Norðfirðingurinn Valur Þórsson en Valur var einn af fjölmörgum brottfluttum Norðfirðingum sem þátttóku að þessu sinni.

Þess má geta  að Þorbergur Jónsson sigurvegar margra síðustu ára var ekki með að þessu sinni en hann var staddur erlendis. Hann náði sínum besta tíma á síðasta ári rétt undir tveim tímum en tími Vals núna var tveir tímar og tíu mínutur.

Undirbúningsnefnd hlaupsins þakkar þátttakendum fyrir gott samstarf og skemmtilega keppni en einnig starfsmönnum, styrktaraðilum, Sævari Hreinssyni og Björgunarsveitinni Gerpi kærlegar fyrir alla aðstoð og er aðkoma þessarra aðila forsenda þess að þetta sé framkvæmanlegt um Verslunarmannahelgi ár hvert.

Nefndin.