Vatnsmýrarhlaupið fór núna fram á fimmtudaginn í 14. sinn.  Veður var fínnt þrátt fyrir smá rigningu milt og þægilegt.  Þátttökumetið var slegið rækilega í ár en 285 manns tóku þátt í sem er mikil aukning miðað við fyrri ár.  Það er ljóst að aukinn áhugi á hlaupum er að skila sér.  Vegna þessa mikla fjölda komu upp smá vandamál eins og gefur að skilja.  Medalíur kláruðust og glös og ávextir kláruðust áður en allir höfðu fengið nægju sína.  Skipuleggjendur biðjast að sjálfsögðu innilegrar afsökunar á því og hlaupið á næsta ári mun verða með öðru sniði til að geta annað 3-400 manns svo vel sé.  Munum við leita eftir auknu samstarfi við Reykjavíkurborg svo að marksvæðið og veitingaaðstaðan verði með sem besta móti.

Það var ekki bara þátttökumetið sem var slegið heldur féll brautarmet Ívars Jósafatssonar frá 1994, 15:31, einnig líka.  Það var að sjálfsögðu hinn efnilegi hlaupari Kári Steinn Karlsson sem sló metið á tímanum 15:03, glæsilegur árangur.  Í kvennaflokki var það Jóhanna J. Ólafsdóttir sem kom fyrst í mark á tímanum 18:37.

Við viljum þakka öllum hlaupurum fyrir þátttökuna og vonumst til að sjá sem flesta að ári liðnu.  Einnig höfðum við séð fyrir okkur fleiri hlaup næsta sumar þar sem við munum bjóðum upp á fleiri vegalengdir.

Þórsteinn Upajukta Ágústsson
Sri Chinmoy maraþonliðið á Íslandi