Dagur Egonsson einn umsjónarmanna Powerade Vetrarhlaupanna tók saman eftirfarandi tölfræðipunkta um Powerade hlaupin.

• Þetta er 9. árið sem hlaupið er haldið og því hafa samtals verið haldin 54 hlaup frá upphafi.
  
• Tæplega 1454 einstaklingar hafa hlaupið á þessum 9 árum.
  
• 118 þátttakendur voru að mæta í fyrsta skiptið í Vetrarhlaupið á þessum vetri.
  
• Einn er sá einstaklingur sem hlaupið hefur flest hlaupin eða 48. Á níu árum hefur hann aðeins sleppt úr sex hlaupum en þetta er Trausti Valdimarsson Laugaskokki.
  
• Fast á hæla hans koma Jón Ólafsson og Þórey Gylfadóttir úr Fjölni með 47 hlaup.
  
• Aldrei hafa fleiri hlaupið Vetrarhlaupið á einum vetri eða 1346 manns. Veturinn á undan hlupu 1024 manns.
  
• Þátttökumet var slegið í október þegar 220 hlupu og síðan aftur í nóvember þegar 272 hlupu.
  
• Á þessum vetri voru fjögur hlaup okt/nóv/jan/mar öll yfir þátttökumeti fyrri ára.
  
• Desember hlaupið verður lengi í minnum haft enda aftakaveður. Þrátt fyrir allt kláruðu sig 134 í gegnum það hlaup af miklu harðfylgi.
  
• Aldursflokkurinn 16-29 ára er orðinn langstærstur, en hingað til hefur 40-44 ára flokkurinn verið stærstur. Sýnu meiri aukning er meðal kvenna í þessum aldursflokki en hjá körlum.

Flestir hlauparar komu frá eftirfarandi skokkklúbbum: 

1. Laugaskokk 120 (líkt og í fyrra)
2. Árbæjarskokk 92
3. ÍR Skokk 60
4. Fjölnir
5. Valur Skokk
6. Bootcamp
7. Skokk. Garðabæjar
8. Icelandair

Sigursælastur skokkhópanna í ár er hlaupahópur Fjölnis í Grafarvogi. Eftirfarandi tafla sýnir hversu mörg gull, silfur og brons féllu til meðlima skokkhópanna.

Skokkhópur	Gull	Silfur	Brons	Samtals
Fjölnir	3	3	1	7
Laugaskokk	2	2	3	7
ÍR Skokk	2	2	1	5
Árbæjarskokk	2	1	2	5
Icelandair	1	2		3