Fyrir ári síðan hlupu fjórmenningar í kringum landið undir nafninu Meðan fæturnir bera mig fyrir Styrktarfélag krabbameinssjúkra barna. Ákveðið hefur verið að viðhalda hugmyndafræðinni og hvetja almenning til þátttöku í árlegu hlaupi. Með þátttöku sinni styrkir almenningur málefni veikra barna. Í ár er hlaupið fyrir Umhyggju og hlaupið er tileinkað hetjunni Mirru Wolfram Jörgensdóttur.

Staður og tímasetning
Meðan fæturnir bera mig vilja endilega fá sem flesta til að taka þátt í 5 kílómetra hlaupi í Öskjuhlíðinni, laugardaginn 2. júní klukkan 12. Mæting er í Nauthólsvík.

Aldursflokkar

• Yngri en 12 ára
• 12-15 ára
• 16-18 ára
• 19-39 ára
• 40+ ára

Skráning og áheit
Skráning og söfnun áheita mun fara fram á hlaup.com. Þátttökugjald og áheit munu renna óskipt til Umhyggju

Hlaupaleið
Startað er í Nauthólsvík á stígnum fyrir ofan siglingaklúbbinn, hlaupið strax til hægri niður að sjó eftir malarstígnum og svo meðfram sjónum, smá stund á malbikaða stígnum en svo aftur á malarstíginn meðfram sjónum í áttina að N1. Beygt er til vinstri upp stíginn undir göngubrúnna og á gangstétt meðfram Suðurhlíð. Upp Suðurhlíð á gangstéttinni og yfir Vesturhlíð, áfram eftir göngustíg upp fyrir Sólland. Beygja til hægri á malarvegi upp að Perlu og svo hálfhring á stéttinni meðfram Perlunni.  Eftir stíg niður frá Perlu í áttina að Loftleiðum. Kröpp vinstri beygja inn á malbikaða stíginn og eftir honum fram hjá Háskólanum í Reykjavík og svo til hægri fram hjá Nauthóli og í mark.

Vinningar
Sérverðlaun veitt fyrir fyrsta sæti í öllum flokkum.

Útdráttarverðlaun
Fjölbreytt og glæsileg útdráttarverðlaun verða veitt.

Þátttökugjald
Þátttökugjald og áheit munu renna óskipt til Umhyggju

• 1.000 kr fyrir fullorðna og 500 kr fyrir 14 ára og yngri í forskráningu
• 2.000 kr fyrir fullorðna og 1.000 kr fyrir 14 ára og yngri eftir að forskráningu lýkur

Annað
Tímataka, kílómetramerkingar, brautarvarsla og hressing í marki.

Nánari upplýsingar
Guðmundur Guðnason, s: 8983131, gg@mfbm.is