Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
01.05.2010 - 1. maÝ hlaup UFA

UFA hefur haldið 1. maí hlaupið allt frá fyrstu starfsárum sínum. Hlaupið er keppni á milli skóla þar sem keppt er um hlutfallslega þátttöku og sá skóli sem sigrar hlýtur veglegan bikar. Í skólakeppninni er hlaupinn 2 km leið án tímatöku, en einnig er keppt í 4 og 10 km hlaupi.

Greifinn og Sportver hafa verið aðalstyrktaraðilar hlaupsins frá upphafi, en auk þeirra hafa Verkalýðsfélögin og Vífilfell styrkt hlaupið undanfarin ár og svo verður einnig í ár.

Hlaupaleiðir og vegalengdir
Hlaupið er frá Íþróttaleikvanginum við Hamar. Hlaupaleiðir eru þrjár, 2 km, 4 km og 10 km. Hægt er að sjá kort af leiðunum með því að smella á fyrirsagnirnar. Kort af 10 km leiðinni er komið inn en kort af styttri vegalengdunum eru væntanleg.

Hlaupaleið í 10 km hlaupi
Hlaupið af stað frá leikvanginum og út af vellinum við Glerárskóla, hlaupið niður Höfðahlíð, yfir Hörgárbraut og niður Stórholt, Undirhlíð og Krossanesbraut/Hjalteyrargötu. Upp Strandgötu og síðan suður Glerárgötu og Drottningarbraut út að Skautahöll. Snúið við þar og hlaupið norður Naustafjöru, Aðalstræti og Hafnarstræti(stíginn neðan við leikhúsið) í gegnum göngugötuna inn á Ráðhústorg og þaðan niður Strandgötu og norður Glerárgötu eins og leið liggur að Höfðahlíð. Upp Höfðahlíðina og sömu leið inn á völlinn og hlaupin var út af honum í byrjun. Hér má sjá leiðina á korti

Hlaupaleið í 4 km hlaupi
Hlaupinn er hringur inni á vellinum áður en hlaupið er út af honum við Glerárskóla. Hlaupið niður Höfðahlíð, yfir Hörgárbraut og niður Stórholt, Undirhlíð og Krossanesbraut að Tryggvabraut. Beygt upp Tryggvabrautina og upp á Hörgárbraut. Hörgárbraut hlaupin til norðurs að Höfðahlíð. Upp Höfðahlíðina og inn á völlinn sömu leið og farið var út af honum í byrjun.

Hlaupaleið í 2 km hlaupi
Hlaupið er ræst við suðurenda stúkunnar. Hlaupið eftir brautinni en út af henni á móts við Bogann. Hlaupið eftir stéttinni meðfram Boganum og út um hliðið neðan við hann. Þar er tekin u-beygja og farið inn á malarveginn neðan við íþróttavöllinn. Stígurinn hlaupinn út á enda og niður Háhlíð. Beygt þar til hægri og hlaupið eftir Höfðahlíðinni framhjá Glerárskóla upp að Drangshlíð. Beygt þar til hægri og inn á stíginn ofan við íþróttavöllinn. Hlaupið eftir stígnum að Hamri og inn á völlinn ofan við Hamar og endað inni á vellinum á sama stað og byrjað var.

Keppni hefst kl. 12:00 - en athugið að skráningu lýkur kl. 11:30
14 ára og yngri hlaupa 2 km og er hver flokkur ræstur fyrir sig, yngsti flokkurinn fyrstur kl. 12:00 og síðan koll af kolli. Engin tímataka er í 2 km hlaupinu en fyrstu þrír í hverjum flokki fá verðlaunapeninga.

15 ára og eldri geta valið um 4 eða 10 km og hlaupa með eldri hlaupurum. 4 og 10 km hlaupið fer af stað kl. 12:00. Yngri krökkunum er heimilt að taka þátt í lengri vegalengdunum ef þau treysta sér til. Þau hlaupa þá með þeim eldri og teljast að sjálfsögðu með í skólakeppninni.

Aldursflokkar

2 km hlaup

  • 7-9 ára stelpur og strákar
  • 10-12 ára stelpur og strákar
  • 13-14 ára stelpur og strákar

4 og 10 km hlaup

  • 16 ára og yngri stelpur og strákar
  • 17-39 ára konur og karlar
  • 40 ára og eldri, konur og karlar

Þátttökugjöld
Í forskráningu: Grunnskólanemendur kr. 700
Fullorðnir kr. 2000

Á hlaupadag: Grunnskólanemendur kr. 1000
Fullorðnir kr. 2500

Skráning
Æskilegt er að sem flestir skrái sig fyrir keppnisdag, það auðveldar mótshöldurum utanumhald og dregur úr örtröð á hlaupadag. Keppnisgjöld eru því lægri í forskráningu auk þess sem þeir sem skrá sig í forskráningu eiga möguleika á að hreppa útdráttarverðlaun frá Sportveri.

Forskráning fer fram á hlaup.is og í Sportveri milli kl. 14 og 18 þann 29. og 30. apríl. Þeir sem skrá sig í Sportveri greiða þátttökugjöld við skráningu og fá hlaupanúmer sem gilda í hlaupinu og þurfa því bara að mæta tímanlega á fyrir ræsingu á íþróttavöllinn.

Þeir sem skrá sig á netinu eiga að sækja númerin sín á íþróttavöllinn milli kl. 10:00 og 11:30 á keppnisdag.

Forskráningu lýkur kl. 18:00 föstudaginn 30. apríl. Eftir það er aðeins hægt að skrá sig á íþróttavellinum milli kl. 10:00 og 11:30 að morgni keppnisdags. 

Verðlaun

  • Allir þátttakendur fá viðurkenningarpening, pizzu og Svala
  • Fyrstu þrír í hverjum flokki fá verðlaunapening.
  • Sá skóli sem er með hæst hlutfall þátttakenda hlýtur veglegan farandbikar og eignarbikar.
  • Útdráttarverðlaun fyrir þá sem skrá sig í forskráningu.

Nánari upplýsingar
Sjá líka allar nánari upplýsingar á vef UFA.

 

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is