Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
16.01.2014 - Flandrasprettur 2013-14 nr. 4

Hlaupahópurinn Flandri í Borgarnesi stendur fyrir mánaðarlegum Flandraspretti þriðja fimmtudagskvöld í hverjum mánuði frá október til mars. Vegalengdin er 5 km með upphaf og endi við Íþróttamiðstöðina í Borgarnesi. Dagsetningar verða sem hér segir:

  • 17. október 2013
  • 21. nóvember 2013
  • 19. desember 2013
  • 16. janúar 2014
  • 20. febrúar 2014
  • 20. mars 2014

Skráning
Hlaupin hefjast kl. 20:00 við Íþróttamiðstöðina í Borgarnesi. Sala þátttökuseðla hefst hálftíma fyrr í anddyrinu. Seðillinn kostar 500 kr. Fyrirkomulagið er það sama og í Poweradehlaupunum, þ.e. þátttakendur fylla út seðilinn, hlaupa með hann og skila honum svo þegar þeir koma í mark. Nauðsynlegt er að skila seðlinum til að fá hlaupatímann skráðan.

Leiðin
Hlaupið er innanbæjar í Borgarnesi á upplýstum götum og gangstéttum, frá íþróttamiðstöðinni, áleiðis norður nesið og svipaða leið til baka. Leiðin er mishæðótt en alveg laus við fjöll. Mesta hæð er um 40 m.y.s. og á leiðinni eru m.a. 2-4 stuttar brekkur með u.þ.b. 20 m. hækkun. Merkingar og brautarvarsla verða í lágmarki og því æskilegt að sem flestir kynni sér leiðina sem best áður en lagt er af stað.


Skoða Flandrasprett á stærra korti 

Nánar tiltekið verður hlaupið frá Íþróttamiðstöðinni, til norðurs upp Þorsteinsgötu, þá til vinstri og svo áfram norður Kjartansgötu. Þegar Kjartansgatan er á enda er beygt til vinstri og hlaupið norður Kveldúlfsgötu, næstum til enda. Þar er beygt til hægri við hornið á blokkunum, síðan meðfram blokkunum, upp stutta dimma brekku og áfram beint upp á aðalgötuna (Borgarbraut) gegnt Vírneti. Þar er beygt til vinstri, hlaupið yfir hæðina og síðan yfir aðalgötuna á gangbrautinni við leikskólann. Áfram er svo hlaupið til norðurs eftir göngustíg meðfram aðalgötunni, yfir næstu hæð og inn á Kvíaholt þar sem göngustígurinn endar. Kvíaholt er svo hlaupið áfram til norðurs, að snúningspunkti við biðskyldumerkið við gatnamót Kvíaholts og Hrafnakletts skammt frá Húsasmiðjunni. Þar eru u.þ.b. 2,65 km að baki. Leiðin liggur síðan sömu leið til baka, nema hvað í stað þess að beygja til móts við Vírnet er aðalgötunni (Borgarbraut) fylgt sem leið liggur framhjá heilsugæslustöðinni með Hyrnuna, Hyrnutorg og menntaskólann á vinstri hönd handan götunnar, upp brekkuna og síðan til hægri þegar upp er komið, þá næstum strax til vinstri og eftir Þorsteinsgötu niður brekku og beint í mark við Íþróttamiðstöðina.

Aldursflokkar
Aldursflokkaskipting verður sem hér segir, bæði hjá körlum og konum:

  • 18 ára og yngri
  • 19-39 ára
  • 40-49 ára
  • 50 ára og eldri

Röðun í aldursflokka miðast við fæðingarár og ártalið 2013. Þátttakendur flytjast með öðrum orðum ekki milli aldursflokka um áramót. Þetta þýðir t.d. að hlaupari sem fæddur er árið 1974 telst 39 ára í allri hlauparöðinni.

Stigakeppni
Stig í hverjum aldursflokki reiknast þannig:

  • 1. sæti gefur 10 stig
  • 2. sæti gefur 9 stig
  • .....
  • 10. sæti gefur 1 stig

Samanlagður stigafjöldi í öllum hlaupunum sex segir til um röðina í heildarstigakeppni vetrarins.

Úrslit og verðlaun
Öll úrslit og staðan í stigakeppninni verða birt á www.hlaup.is eins fljótt og kostur er eftir hvert hlaup. Stigahæstu einstaklingar í hverjum aldursflokki fá afhent verðlaun að loknum síðasta spretti vetrarins.

Búningsaðstaða og sund
Hægt er að nýta búningsaðstöðu í íþróttamiðstöðinni, auk þess sem þar er að sjálfsögðu sundlaug, eimbað og heitir pottar. Stakt gjald fyrir fullorðna er 525 kr. og er ekki innifalið í þátttökugjaldi. Íþróttamiðstöðin er opin til kl. 22.

Sprettur eða ekkisprettur
Þrátt fyrir nafngiftina er Flandraspretturinn ekki endilega spretthlaup í ítrustu merkingu þess orðs. Hlaupið er fyrir alla, hvort sem þeir eru byrjendur eða heimsmeistarar. Þátttakendum er frjálst að keppa við hverja sem er á leiðinni, en oftast er maður sjálfur mikilvægasti keppinauturinn.

Á eigin ábyrgð
Keppendur taka þátt í Flandrasprettinum á eigin ábyrgð. Framkvæmdaaðilar geta á engan hátt verið ábyrgir fyrir skaða sem keppendur hugsanlega verða fyrir eða valda öðrum meðan á þátttöku stendur.

Nánari upplýsingar
Nánari upplýsingar er helst að fá hjá talsmönnum Flandra. Þeir eru:

Auður H Ingólfsdóttir (audurhi[hjá]bifrost.is)

Sigríður Júlía Brynleifsdóttir (sigridur.julia.brynleifsdottir[hjá]land.is)

Stefán Gíslason (stefan[hjá]environice.is)

 

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is