Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2020
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
28.03.2020 - Karlahlaup KrabbameinsfÚlagsins

ATHUGIÐ að dagsetning er óstaðfest.

Karlahlaup Krabbameinsfélagsins fer fram laugardaginn 28. mars 2020 kl. 11. Hlaupið er frá Hörpu út Sæbrautina og til baka, samtals 5 km.

Markmið hlaupsins er að hvetja karlmenn af öllum stærðum og gerðum til að koma saman og hreyfa sig. Þetta fyrsta Karlahlaup markar upphaf Mottumars, árlegs átaksverkefnis Krabbameinsfélagsins sem tileinkað er baráttunni gegn krabbameinum hjá körlum.

Skráðu þig í Karlahlaupið.

FIMM ÞÚSUND SKREF Í RÉTTA ÁTT
Hlaupið er frá Hörpu, miðstöð menningar og mannlífs og einu helsta kennileiti Reykjavíkur. Hlaupið verður ræst kl. 11:00 og hlaupið eða gengið sem leið liggur austur eftir Sæbraut og til baka, alls 5 kílómetra. Hlaupið hentar bæði reyndum hlaupurum og þeim sem kjósa að fara hægar yfir - hvað sem þátttakendur velja sér. Eitt er víst að allir geta notið útsýnis yfir hafið og munu sannarlega taka fjölmörg skref í rétta átt.

ÓKEYPIS UNDIRBÚNINGSNÁMSKEIÐ
Komdu á ókeypis undirbúningsnámskeið til að undirbúa þig fyrir Karlahlaupið.

Farið verður yfir það helsta sem hafa þarf í huga í tengslum við hlaup og hvernig best er að fara af stað. Fjallað verður um ýmis hagnýt atriði í fyrirlestri og einnig farið út á hlaupabraut (innanhúss) og hugað að upphitun, teygjum og hlaupunum sjálfum. Kynntu þér málið!

NÝIR GLÆSILEGIR MOTTUMARSSOKKAR INNIFALDIR Í ÞÁTTTÖKUGJALDI
Þátttökugjald er 4.500 kr. fyrir 18 ára og eldri en 2.500 kr. fyrir yngri en 18 ára. Innifalið er eitt glænýtt par af Mottumarssokkum, hannað af Gunnari Hilmarssyni, yfirhönnuði Herrafataverzlunar Kormáks og Skjaldar. Sokkarnir eru til í fjórum stærðum sem henta öllum aldurshópum. Allur ágóði af hlaupinu rennur til Krabbameinsfélagsins. Allir þátttakendur geta fengið tímatöku með flögu og birtan tíma en það er valkvætt.

REGLULEG HREYFING MINNKAR LÍKUR Á KRABBAMEINUM
Reglubundin hreyfing hefur ótvírætt gildi fyrir almenna heilsu og vellíðan og ávinningurinn er margþættur. Má til dæmis nefna minni hættu á margvíslegum sjúkdómum, þar með talið krabbameinum. Áætlað er að Evrópubúar sem temja sér heilbrigða lífshætti í samræmi við ráðleggingar um forvarnir gegn krabbameini séu í 18% minni hættu á að fá krabbamein miðað við þá sem tileinka sér ekki slíka lífshætti.* Í því felst að hreyfa sig að minnsta kosti hálftíma á dag. Karlahlaup Krabbameinsfélagsins er kjörinn vettvangur fyrir karla að koma saman, taka þátt í skemmtilegum viðburði og styðja við gott málefni.

Klíkur af öllum stærðum og gerðum, gengi, vinahópar, félagsmenn og fleiri hópar eru hvattir til að mæta undir eigin „flaggi og fána" og setja þannig skemmtilegan svip á þennan tímamótaviðburð.

UM MOTTUMARS
Meginmarkmið Mottumars er að vekja athygli á baráttunni gegn krabbameinum hjá karlmönnum. Átakið er hvatning fyrir alla karlmenn og fjölskyldur þeirra til að vera meðvitaða um einkenni krabbameina og sinna forvörnum, sem og að afla fjár sem gerir Krabbameinsfélaginu kleift að sinna fræðslu, forvörnum, rannsóknum, ráðgjöf og stuðningi fyrir karlmenn.

NÁNARI UPPLÝSINGAR:
Guðmundur Pálsson, gudmundur@krabb.is  696 4063
Ása Sigríður Þórisdóttir, asa@krabb.is  820 8269

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU Jan 2020
HvÝtt bil 5 ß hŠ­ - 3
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is