Hausmynd2018-RM2017
Squeezy Sport Nutrition
Hlaup
┌rslit
┌rslit - Erlend hlaup
Hlaupadagskrß 2019
Hlaupadagskrß fyrri ßra
Erlend hlaupadagskrß
Kort
Skokkhˇpar
  Skokkhˇpar ß ═slandi
  Umfj÷llun um skokkhˇpa
Myndasafn
HlaupTV
Myndb÷nd
Skrßningar Ý hlaup
Fer­ir erlendis
Efni inn ß hlaup.is
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Hlaup  >  Skokkhˇpar  >  Umfj÷llun um skokkhˇpa
23.1.2014
Au­ur Ůorkelsdˇttir Ý Hlaupahˇp FH: Mß varla missa af Šfingu

 
Auður stödd á Laugaveginum með FH-ingum. 
Auður Þorkelsdóttir, 48 ára Hafnfirðingur hafði aldrei hlaupið reglulega áður en hún mætti á stofnfund Hlaupahóps FH fyrir rétt um þremur árum. Auður sem starfar sem skrifstofustjóri hjá Hafnarfjarðarbæ lék handbolta og körfubolta sem unglingur en lét hlaupin eiga sig allt þar til hún var kominn á fimmtugsaldur. Nú hefur Auður hlaupið reglulega í þrjú ár og má helst ekki missa úr æfingu.

„Ég mætti á stofnfund hlaupahópsins í janúar 2010. Sá auglýsingu í Fjarðarpóstinum um að nú ætti að setja á stofn hlaupahóp hjá FH og það leist mér vel á og sagði því við sjálfa mig: Auður nú ferð þú út að hlaupa og ég er búin að vera á hlaupum síðan," svarar Auður spurð um hvenær hún hafi gegnið til liðs við Hlaupahóp FH.

Hlaupaæfing allt að því ómissandi
Auður er þeirrar skoðunar að hlaupahópar hjálpi fólki að koma hlaupum í rútínu, fljótt verði hlaupaæfing allt að því ómissandi. „Að hlaupa í hlaupahóp hefur haft allt að segja fyrir mig. Að mæta í Krikann á ákveðnum tíma, á ákveðnum dögum og hitta félagana, þetta var það sem ég þurfti. Ég er dugleg að mæta, þetta er minn tími og ég held ég hafi ekki misst úr æfingu allt árið 2010 svo dæmi sé tekið," segir Auður sem greinilega hefur tekið ástfóstri við hlaupin frá því hún opnaði Fjarðarpóstinn árið 2010.

„Hvað mig snertir þá finnst mér skemmtilegra og meira aðhald að hlaupa í hóp. Ég er oft betri við sjálfa mig ef ég fer ein út að hlaupa en það getur líka verið gott að hlaupa ein og sér og þá með eitthvað gott í eyrunum," svarar Auður spurð um muninn á því að hlaupa einsömul og í hlaupahóp. „Það er mikil og góð hvatning að hlaupa í hlaupahóp og gott að geta gengið að æfingum á ákveðnum tímum, þá ferðu út að hlaupa."

Auður hleypur sjálf þrisvar í viku og oftar yfir sumartímann, sérstaklega ef eitthvað sérstakt er framundan. Aðspurð hvernig hlaupari hún sé svarar Auður því til að hún sé róleg að eðlisfari. „En auðvitað langar alla til að bæta sig ef farið er af stað í keppnishlaup, það er bara gaman að keppa við sjálfa sig," viðurkennir Auður.

"Á maður ekki að gera það sem manni finnst skemmtilegt?"
-En af hverju hlaup frekar heldur en ræktin eða önnur hreyfing? „Mér finnst hlaupin skemmtileg og á maður ekki gera það sem manni finnst skemmtilegt? En það er gott að hafa val og um að gera að hafa aðra hreyfingu með," segir Auður og bætir við að fyrir sig persónulega þá hressi hlaupin, þau bæti, kæti og létti lund. Aðspurð hvað hafi staðið upp úr síðan hún byrjaði að hlaupa nefnir Auður að hún hafi fengið verðlaun fyrir mestu framfarir á uppskeruhátíð Hlaupahóps FH árið 2011. „Mér þykir alveg ótrúlega vænt um verðlaunin, þau vor mikil hvatning fyrir mig."

Í upphafi árs þá er kannski við hæfi að spyrja Auði um markmið sín til lengri og skemmri tíma. „Markmiðin mín eru Berlínarmaraþonið í september 2014 ásamt eiginmanninum og svo dettur eitthvað fleira skemmtilegt inn, nú og svo bara hlaupa áfram með hópnum og njóta þess," svarar Auður um markmiðin.

„Láttu það eftir þér að fara út að hlaupa," eru lokaorð þessarar hressu og öflugu hlaupakonu úr Hlaupahópi FH. 


Auður tignarleg í stórkostlegri náttúru síðasta sumar þegar hún tók þátt í Snæfellshlaupinu.

Umfjöllun Hlaup.is um Hlaupahóp FH.

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is