Hausmynd2018-RM2017
Squeezy Sport Nutrition
Hlaup
┌rslit
┌rslit - Erlend hlaup
Hlaupadagskrß 2019
Hlaupadagskrß fyrri ßra
Erlend hlaupadagskrß
Kort
Skokkhˇpar
  Skokkhˇpar ß ═slandi
  Umfj÷llun um skokkhˇpa
Myndasafn
HlaupTV
Myndb÷nd
Skrßningar Ý hlaup
Fer­ir erlendis
Efni inn ß hlaup.is
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Hlaup  >  Skokkhˇpar  >  Umfj÷llun um skokkhˇpa
9.6.2014
Skokkhˇpur VÝkings: Hlauparar leysa frß skjˇ­unni

Hlauparar úr Víking sendu okkur á hlaup.is stuttan pistil sem birtist á síðunni fyrr í dag. Víkingar bættu um betur og til að kynna starfið ætla þeir kynna nokkra hlaupara innan sinna raða fyrir lesendum. Gefum Víkingum orðið!


Birna Baldursdóttir, hlaupari og einn stofnenda Almenningsíþróttadeildar Víkings.

NAFN OG ALDUR: Birna Baldursdóttir - 50 ára

HVENÆR GEKKSTU Í SKOKKHÓPINN, VARSTU BÚIN AÐ HLAUPA LENGI ÁÐUR? Ég var ein af stofnendum Almenningsíþróttadeildar Víkings en hafði áður skokkað af og til með "gamla" skokkhópnum í Víkinni og þar áður með ÍR í tvö ár. Skokkið hefur fylgt mér lengi, ég var 18 ára þegar ég byrjaði að skokka reglulega þannig að þetta eru orðin rúm 30 ár. Í gegnum tíðina hef ég þó mest skokkað ein eða með manninum mínum. En nú er ég búin að finna réttu samsetninguna, við hjónin skokkum saman í frábærum skokkhópi Víkings.

HVER ER MUNURINN Á ÞVÍ AÐ HLAUPA EIN EÐA Í SKOKKHÓPI? Munurinn liggur aðallega í félagslegu hliðinni, þjálfurunum og aðhaldinu.

HVAÐ HEFUR ÞAÐ GEFIÐ ÞÉR AÐ HLAUPA Í SKOKKHÓPI? Mér finnst mjög gaman að hlaupa með öðrum og því er félagslega hliðin það sem ég sækist helst eftir í skokkhópi. Svo er líka gott aðhald að hafa alveg fasta tímapunkta fyrir æfingar, þá frestar maður miklu síður æfingum. Einnig skipta þjálfarar mjög miklu máli, skemmtilegur þjálfari sem setur upp fjölbreyttar æfingar sem höfða til fólks á mismunandi stigum í skokkinu er gulls ígildi.

HVERNIG HLAUPARI ERTU, HVAÐ HLEYPUR ÞÚ OFT OG LENGI Í EINU? Ég skilgreini mig sem tímalausan skokkara. Mér finnst svolítill blæbrigða munur á að tala um hlaup eða skokk. Fyrir mér eru hlaup heldur meira keppnisdæmi en skokkið sem er meira svona að njóta þess að hreyfa sig úti á góðum hraða. Og þegar ég segi "góðum hraða" þá meina ég bara þeim hraða sem mig langar að vera á hverju sinni. Mér finnst ég t.d. alltaf hafa verið á góðum tíma í öllum almenningshlaupum sem ég hef tekið þátt í. Fyrir mér þýðir það að ég hef haft gaman af og notið hlaupsins.

Oftast skokka ég svona 3-4 sinnum í viku, allt frá 4 upp í 12 km, en lengra og mjög rólega einu sinni í viku og fer þá stundum lengra en 15km.

HVAÐ GERA HLAUP FYRIR ÞIG PERSÓNULEGA? Að geta hreyft sig eru forréttindi, það eru ekki allir sem geta það. Ég sæki bæði líkamlegan og andlegan styrk í skokkið og mér finnst einfaldlega bara svo gaman og afslappandi að fara út og skokka.

 


Kristján Matthíasson brosandi á fullri ferð.
NAFN OG ALDUR: Kristján Matthíasson 52 ára.

HVENÆR GEKKSTU Í SKOKKHÓPINN, VARSTU BÚINN AÐ HLAUPA LENGI ÁÐUR? Ég byrjaði í skokkhópi Víkings fyrir rúmum tveim árum. Þar á undan hafði ég skokkað töluvert, yfirleitt einn en stundum með vinnufélögum, sennilega í ein 10 ár.

HVAÐ HEFUR ÞAÐ GEFIÐ ÞÉR AÐ HLAUPA Í SKOKKHÓPI?  Það hefur gefið mér tvímælalaust mikið, bæði félagslega og hlaupalega. Það er jú skemmtilegra að tilheyra skokkhópi, maður kynnist nýju fólki og hlaupin verða skemmtilegri. Skokkhópur Víkings er frábær félagsskapur!

HVER ER MUNURINN Á ÞVÍ AÐ HLAUPA EINN EÐA Í SKOKKHÓPI? Í skokkhópi blandar þú geði, miðlar reynslu, það er ákveðið aðhald að mæta þegar þú getur. Mér finnst nú samt líka gott að vera með sjálfum mér og hlaupa einn.

HVERNIG HLAUPARI ERTU, HVAÐ HLEYPUR ÞÚ OFT OG LENGI Í EINU? Lífstíllinn eða hlauparútínan er oft háð markmiðum sem maður setur hverju sinni. Það hefur reynst mér mikilvægt að æfa líka styrk til að bæta mig. Mér finnst mjög gaman að taka þátt í keppnishlaupum, þá skiptir ekki öllu vegalengdin 5 km eða 10 km hlaup, 1/2 maraþon eða heilt maraþon.

HVAÐ GERA HLAUP FYRIR ÞIG PERSÓNULEGA? Hlaupin skipta mig miklu máli, þau eru streitulosandi og gefa mikinn kraft í starfi og leik :)   

 


Halla byrjaði að hlaupa með Víkingum árið 2012.
 

NAFN OG ALDUR: Halla Gunnarsdóttir 44 ára

HVENÆR GEKKSTU Í SKOKKHÓPINN, VARSTU BÚIN AÐ HLAUPA LENGI ÁÐUR? Ég gekk í skokkhópinn haustið 2010. Ég byrjaði að vísu að hlaupa sumarið 2007 þar sem ég var dregin út í þetta leiðinlega sport (að mér fannst þá) af einni öflugri úr skokkhópnum henni Ólöfu Rós Káradóttur.  Hún ber fulla ábyrgð á spriklinu.

HVAÐ HEFUR ÞAÐ GEFIÐ ÞÉR AÐ HLAUPA Í SKOKKHÓPI?  Það er mikilvægt fyrir mig að hafa utanumhaldið.  Það að þurfa að mæta á ákveðnum tíma og hlýða fyrirmælum þjálfara er gott fyrir mig. Ég er annars allt of ,,góð" við sjálfa mig.

HVER ER MUNURINN Á ÞVÍ AÐ HLAUPA EIN EÐA Í SKOKKHÓPI? Mér finnst gaman að hlaupa í samfloti og það er líka hvetjandi þar sem ég þarf þá a.m.k. að reyna að halda í við þann sem ég spjalla við hverju sinni. Þar sem ég er mjög spjallglöð þá er það einmitt hluti af þessu að fá tækifæri til þess að ræða hin ýmsu og mis mikilvægu mál líðandi stundar.

HVAÐ GERA HLAUP FYRIR ÞIG PERSÓNULEGA? Hlaupin eru að mínu mati besta líkamsræktin. Það besta er að fara út í hvaða veðri sem er og endurhlaða rafhlöðurnar. Útiveran er æði og samhlauparar mínir í skokkhóp Víkings eru líka svo ótrúlega skemmtilegir.

HVERNIG HLAUPARI ERTU, HVAÐ HLEYPUR ÞÚ OFT OG LENGI Í EINU? Ég er RK skokkari (RK = RassKinnar). Það þýðir að ég tek lífinu með ró. Er ekki með neinn æðibunugang en kemst allt sem ég vil án þess að eyðileggja hné og kálfa og eitthvað enn meira. Það getur verið afar mismunandi hversu langt og hversu oft í viku ég hleyp en það getur verið frá 5 km upp í 12 km tvisvar til fjórum sinnum í viku. Ef ég undirbý mig fyrir t.d. hálft maraþon þá lengist í kílómetrunum eftir þörfum.

 


Vilhjálmur byrjaði að hlaupa í ársbyrjun 2013.

NAFN OG ALDUR: Vilhjálmur Jónsson 50 ára.

HVENÆR GEKKSTU Í SKOKKHÓPINN, VARSTU BÚINN AÐ HLAUPA LENGI ÁÐUR? Í janúar 2013, hafði aldrei æft hlaup áður.

HVAÐ HEFUR ÞAÐ GEFIÐ ÞÉR AÐ HLAUPA Í SKOKKHÓPI?  Aðhald að mæta á æfingu hvernig sem viðrar, hitta skemmtilegu hlaupafélagana og takast á við þau skemmtilegu verkefni sem þjálfararnir leggja fyrir okkur.

HVER ER MUNURINN Á ÞVÍ AÐ HLAUPA EINN EÐA Í SKOKKHÓPI? Hlaupin og  æfingarnar verða markvissari,hvatning frá hlaupafélögum og þjálfara verður til að maður leggur mun meira á sig. Framfarir verða mun hraðari í skokkhópi en að hlaupa einn, svo ekki sé talað um löngu hlaupin, þá er mun skemmtilegra að hafa einhvern með sér .

HVERNIG HLAUPARI ERTU, HVAÐ HLEYPUR ÞÚ OFT OG LENGI Í EINU? Ég er áhugasamur hlaupari og er í þessu af ástríðu, hleyp þrisvar í viku um 25-40 km samanlagt.

HVAÐ GERA HLAUP FYRIR ÞIG PERSÓNULEGA? Koma mér í gott form bæði á sál og líkama. Fæ aukna starfsorku allt verður svo miklu léttara. Hlaupin hafa leitt mig inn á gjörbreyttan lífsstíl, hollt mataræði og heilbrigt líferni.

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is