Hausmynd2018-RM2017
Squeezy Sport Nutrition
Hlaup
┌rslit
┌rslit - Erlend hlaup
Hlaupadagskrß 2019
Hlaupadagskrß fyrri ßra
Erlend hlaupadagskrß
Kort
Skokkhˇpar
  Skokkhˇpar ß ═slandi
  Umfj÷llun um skokkhˇpa
Myndasafn
HlaupTV
Myndb÷nd
Skrßningar Ý hlaup
Fer­ir erlendis
Efni inn ß hlaup.is
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Hlaup  >  Skokkhˇpar  >  Umfj÷llun um skokkhˇpa
11.12.2014
HlaupahÚrarnir ß Egilsst÷­um: Stutt Ý sveitasŠluna


Vetrarhlaup Hlaupahéranna hafa verið haldin í sex ár.
Hlaupahérar eru óformlegur félagsskapur hlaupara á Fljótsdalshéraði sem "starfað" hefur í u.þ.b. sex ár. Engin félagaskrá er til en fyrir tveimur árum var stofnaður hópur á fésbókinni í nafni Hlaupahéra og þangað inn geta áhugasamir skráð sig og fylgst með því sem hlauparar á svæðinu eru að gera.

Misjafn bakgrunnur en sameiginleg markmið
Um 100 manns eru meðlimir í þessum hópi og er það fólk á öllum aldri, þeir elstu rúmlega sextugir. Mjög misjafnt er hvaða bakgrunn hlauparar í hópnum hafa en flestir höfðu hreyft sig reglulega áður en þeir hófu að hlaupa og er markmiðið fyrst og fremst að stunda holla hreyfingu í góðum félagsskap.

Frá upphafi hafa verið gefnir út fastir hlaupatímar þrisvar í viku frá september og fram í maí; á mánudögum og miðvikudögum kl. 17:15 og á laugardögum kl. 10. Yfirleitt er hægt að reikna með að hitta á einhvern hlaupara við íþróttahúsið á Egilsstöðum á þessum tímum. Misjafnt hefur verið hvort búið sé að skipuleggja æfingar fyrirfram en með tilkomu fésbókarsíðunnar eru gerðar tillögur að æfingum og hefur fólk svo sniðið þær að sínum þörfum hverju sinni. Lagt er upp með að mánudagsæfingarnar séu styttri og hraðari, á miðvikudögum eru sprettæfingar og interval og á laugardögum eru lengri og rólegri hlaup. Æfingar fara aðallega fram á götum og göngustígum á Egilsstöðum og í Fellabæ en einnig nýtum við skógarstígana í Selskógi eins og kostur er haust og vor og hlaupabrautirnar á Vilhjálmsvelli allan ársins hring.

Staðið fyrir hlaupaseríu í sex ár
Síðustu sex vetur hefur hópurinn staðið fyrir vetrarhlaupasyrpu á Egilsstöðum og er sú sjöunda komin af stað. Nokkrar vaskar konur úr herbúðum Hlaupahéranna hafa haldið utan um skipulag þessara hlaupa og séð um framkvæmd þeirra. Vetrarhlaupasyrpan samanstendur af sex 10 km hlaupum sem fara fram síðasta laugardag í mánuði frá október fram í mars og hefur þátttaka í þeim verið nokkuð góð þó vissulega sé hún misjöfn á milli hlaupa.

Þátttaka í hverju hlaupi gefur 1-5 stig og eru stigahæstu einstaklingarnir verðlaunaðir í lok tímabilsins. Keppt er bæði í karla- og kvennaflokkum og tveimur aldursflokkum hjá hvoru kyni. Dagsetningar fyrir næstu hlaup eru eftirfarandi: 31. desember, 31. janúar, 28. febrúar og 28. mars. Hlaupin hefjast við íþróttahúsið á Egilsstöðum kl. 11 nema á gamlársdag kl. 10, skráning fer fram á staðnum hálftíma fyrir hlaup. Þátttökugjald er 1000 kr. í hvert hlaup og er létt hressing og aðgangur að sundlauginni eftir hlaup innifalið. Vegleg útdráttarverðlaun eru svo dregin út að loknu hverju hlaupi.

Ekki er mikið um að fólk hittist utan æfingatíma, nema þá í vetrarhlaupunum, en að loknu síðasta hlaupi hverrar syrpu er boðað til lokahófs þar sem verðlaun og viðurkenningar eru veittar. Sú hefð hefur þó skapast að hittast að morgni aðfangadags og hlaupa saman í rólegheitum um götur bæjarins og njóta jólaljósanna.


Vaskar konur í hópi "héranna" halda utan um hlaupaseríuna.

Allir hvattir til að mæta, jafnt heimamenn, aðkomumenn og ferðalangar
Alltaf er eitthvað um að hlauparar á svæðinu taki þátt í keppnishlaupum innanlands og utan. Nær eingöngu er um einstaklingsframtak að ræða þó svo að hópurinn styðji við og fylgist með sínu fólki í æfingaferlinu og þegar í keppni er komið. Fólk úr okkar hópi hefur tekið þátt í IronMan, Landvættinum, Laugavegs-hlaupinu, öllum vegalengdum í Jökulsárhlaupinu, í Reykjavíkurmaraþoninu og heilum og hálfum maraþonhlaupum víða í Evrópu svo eitthvað sé nefnt.

Hlauparar sem leið eiga um Egilsstaði eru hjartanlega velkomnir að hlaupa með okkur og eins hvetjum við áhugasama heimamenn til að slást í hópinn, sama hvar þeir eru staddir á hlaupferlinum.

Viðtal hlaup.is við Philip Vogler úr Hlaupahérunum á Egilsstöðum

 

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is