Hausmynd2018-RM2017
Squeezy Sport Nutrition
Hlaup
┌rslit
┌rslit - Erlend hlaup
Hlaupadagskrß 2019
Hlaupadagskrß fyrri ßra
Erlend hlaupadagskrß
Kort
Skokkhˇpar
  Skokkhˇpar ß ═slandi
  Umfj÷llun um skokkhˇpa
Myndasafn
HlaupTV
Myndb÷nd
Skrßningar Ý hlaup
Fer­ir erlendis
Efni inn ß hlaup.is
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Hlaup  >  Skokkhˇpar  >  Umfj÷llun um skokkhˇpa
16.12.2014
Gu­laug Jˇnsdˇttir ˙r Riddurum Rˇsu: Hlaupin allt a­ ■vÝ lÝfsnau­synleg


Það má öfunda Guðlaugu og Riddarana af umhverfinu sem þau geta notið á hlaupunum vestur á Ísafirði.

Fulltrúi Riddara Rósu í umfjöllun um hlaupahóp vikunnar er Guðlaug Jónsdóttir, 48 ára gamall heimilisfræðikennari við Grunnskólann á Ísafirði. Guðlaug er gift og á dvo drengi a unglingsaldri.

„Mig langar til að verða kröftugt og heilbrigt gamalmenni sem getur notið elliáranna," segir Guðbjörg sem sem telur hlaupin ekkert minna en lífsnauðsynleg, ekki síst fyrir sálartetrið.

Hvenær gekkstu til liðs við Riddara Rósu, varstu búin að hlaupa lengi áður?
Ætli það hafi ekki verið árið 2008 eða þegar hún Martha okkar Ernstsdóttir byrjaði að þjálfa hópinn. Fyrir þann tíma var ég eitthvað búin að vera að gutla við að skokka en ósköp ómarkvisst.

Hvað hefur það gefið þér að hlaupa í hlaupahóp?
Það hefur gefið mér heilmikið. Ég hef kynnst mjög mörgu skemmtilegu og góðu fólki sem ég hefði ekki viljað fara á mis við. Í þessum stórgóða hópi verða til vinatengsl sem eru ómetanleg. Það er óneitanlega miklu skemmtilegra að hlaupa með hópi fólks. Maður mætir á æfingar líkt og í vinnuna - það er enginn afsláttur gefinn af því. Það er einnig mjög hvetjandi að hlaupa með fleirum í hópi, ósjálfrátt reynir maður meira á sig.

Hver er munurinn á því að hlaupa ein eða í hlaupahóp?
Munurinn er heilmikill. Hópurinn og þessar skipulögðu æfingar virka sem  einskonar aga- eða hvatningartæki. Ef þú átt aðeins stefnumót við þig sjálfan getur verið freistandi að hnika til tímanum sem kannski endar með því að æfingunni er frestað eða jafnvel sleppt. Eftir ákveðinn tíma með svona hópi verða æfingarnar að rútínu líkt og vinnan - maður mætir svo framarlega sem maður er ekki hundveikur.

Hvernig hlaupari ertu, hvað hleypur þú oft og lengi í einu?
Martha þjálfari skiptir hópnum í þrjá minni hópa. Rauðar rósir er byrjendahópur, Gular sóleyjar eru þeir sem eru komnir heldur lengra og svo eru það Grænu túlípanarnir - garparnir svokölluðu. Ég hef að mestu leyti verið í miðjuhópnum - fylgi því prógrammi í dag. Ég verð nú að viðurkenna að ég hef átt mína góðu og svo aftur lakari tíma í hlaupunum en frá því í haust er ég bara nokkuð sátt. Ég er að hlaupa yfirleitt alltaf fjórum sinnum í viku. Tvær intervalæfingar með hópnum sem eru um það bil einn og hálfur tími, ein styttri æfing sem er oftast um 40 mínútna skokk og svo lengri túr á laugardagsmorgnum. Þar hefur minn hópur verið að skokka allt  upp í 12-13 km í haust.

Á fólk sem er að hlaupa eða langar að byrja að ganga í hlaupahóp?
Tvímælalaust. Það er gríðarlegur stuðningur að vera í hópi og mun minni líkur á því að þú gefist upp.  Það er gott að geta fengið ráðleggingar hjá reynslumiklu fólki.


Guðlaug hefur hlaupið af krafti frá 2008.

Hvað gera hlaup fyrir þig persónulega?
Mér liggur við að segja að hlaupin séu mér lífsnauðsynleg. Þau eru ekki bara nauðsynleg fyrir líkamlega heilsu heldur ekki síður þá andlegu. Ef ég trassa æfingar í nokkra daga verð ég hálf þung í skapi, áhyggjurnar fara að sliga mig og besta fólk fer jafnvel að fara óstjórnlega í taugarnar á mér. Hreyfingin gerir mér sem sagt kleyft að halda andlegu jafnvægi sem er hvað ekki síst gríðarlega mikilvægt í starfi mínu sem kennari.

Af hverju hlaup frekar en ræktin eða önnur hreyfing?
Ætli það sé ekki fyrst og fremst ánægjan af félagsskapnum og þessi frábæra tilfinning sem hellist yfir mann eftir góða æfingu. Kannski þykja mér hlaupin líka ákveðin áskorun vegna þess að ég var hálfgerður „silakeppur" sem krakki.

Viltu deila með lesendum því sem hefur staðið upp úr persónulega í hlaupunum á þessu ári?
Æi, nú hef ég engin met til að stæra mig af. Ég er sátt á meðan ég held mig við það að mæta á æfingar og hef ánægju af þeim.

Hver eru markmiðin til lengri og skemmri tíma?
Markmiðin til lengri og skemmri tíma eru þau að hlúa með öllum ráðum að heilsunni. Skynsamleg hreyfing, nægileg hvíld og ekki síst gott og fjölbreytt mataræði. Ég er viss um að slíkt líferni hjálpar til að viðhalda góðri heilsu og seinka öldrun. Mig langar til þess að verða kröftugt og heilbrigt gamalmenni sem getur notið elliáranna!

 

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is