Hausmynd2018-RM2017
Squeezy Sport Nutrition
Pistlar/Vi­t÷l
Vi­t÷l
Yfirheyrslur
Pistlar Stefßns
Hlaupasumari­ mitt
S÷gur ˙r hlaupum
Frßsagnir hlaupara
Hugrenningar
  Sigur­ur P. Sigmundsson
  Gunnlaugur J˙lÝusson
  Torfi H. Leifsson
Pistlar Sigur­ar P.
Frß umsjˇnarmanni
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Pistlar/Vi­t÷l  >  Hugrenningar  >  Sigur­ur P. Sigmundsson
25.8.2008
A­ loknu ReykjavÝkurmara■oni

Þá er 25. Reykjavíkurmaraþoninu lokið með metþátttöku. Ég fylgdist með þátttakendum í hálfmaraþoni og maraþoni, fyrst hjá Kirkjusandi, síðan í Fossvoginum og loks á Seltjarnarnesi. Þegar maður maður gefur sér tíma og horfir á strauminn fara hjá áttar maður sig á því hve fjölbreytileikinn er mikill - ungir og aldnir, stórir og litlir, mjórir og þykkir, mikið klæddir og léttklæddir, vel þjálfaðir og lítt þjálfaðir og svo mætti áfram telja. Fólk greinilega með mismunandi markmið og mismunandi forsendur - sumir tóku þetta alvarlega meðan aðrir voru að spjalla í rólegheitum við næsta hlaupara. Tvennu tók ég sérstaklega eftir sem mismun á hlaupurum í hálfmaraþoni og maraþoni. Í hálfmaraþoni voru ansi margir sem hlupu með ipod eða þvíumlíkt sér til afþreyingar. Sjá mátti einnig að hlaupastíllinn var fremur óagaður hjá hlaupurum í hálfmaraþoni og fannst mér margir vera með hendurnar of háar og krepptar. Slíkt lagast venjulega þegar fólk fer að æfa meira og því eðlilegt að handahreyfingar maraþonhlauparanna væru afslappaðri.

Tímar sigurvegaranna í maraþonhlaupi karla og kvenna voru með slakasta móti. Hins vegar voru margir Íslendinganna að hlaupa mjög vel og bæta fyrri árangur sinn. Sérstaklega fannst mér athyglisvert að tólf ára stúlka, Aníta Hinriksdóttir, hljóp 10 km á 40:33 mín. Greinilega hlaupadrottning framtíðarinnar þar á ferð. Jóhanna Skúladóttir, 31 árs, bætti árangur sinn í hálfmaraþoni vel (1:24:59) og er hún líkleg til að fara undir 1:20 klst. á næstu árum. Meðal eldri hlaupara vakti athygli mína að Unnsteinn Jóhannsson, 77 ára, hljóp 10 km á 59:38 mín og Jóhann Karlsson, 60 ára, hljóp hálfmaraþon á 1:30:38. Björg Árnadóttir (42 ára) stimplaði sig inn meðal bestu maraþonhlaupara kvenna með því að hlaupa á 3:19:53. Ánægjulegt er að sjá hversu breiddin er að aukast milli ára. Þannig hlupu 20 konur undir 1:40 í hálfmaraþoni sem prýðilegur árangur.

Ég er mjög ánægður með hvernig til tókst hjá þeim hlaupurum sem ég hef verið að þjálfa. Fjölmargir bættu sig og aðrir voru að ná góðum tíma í sínu fyrsta hlaupi á vegalengdinni. Nefna má Daða Garðarsson (53 ára) sem hljóp sitt fyrsta maraþon á 3:16:14, Selfyssinginn Grím Hergeirsson (39 ára) sem bætti sig um 9 mínútur (3:19:16) og Akureyringinn Sigríði Einarsdóttur (42 ára) sem hljóp sitt fyrsta maraþon á 3:27:57.  

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is