Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
5.5.2012
05.06.2012 - Mara■onbo­hlaup FR═
FRI-blue Þann 5. júní fer fram Maraþonboðhlaup Frjálsíþróttasambands Íslands til styrktar undirbúningi frjálsíþróttafólks fyrir Ólympíuleikana í London.

Skilgreining viðburðar
Maraþonboðhlaup FRÍ fer fram þann 5.júní 2012 á fjórum stöðum á landinu, Reykjavík, Akureyri, Ísafirði og Egilsstöðum. Hlaupið er boðhlaupskeppni þar sem allt að sjö hlauparar skipa eitt lið. Hver liðsmaður hleypur að minnsta kosti einn hring af sjö hringja hlaupaleið. Heildarvegalengdin sem er hlaupin er hálft maraþon eða 21,097 km og því hver hringur 3 km. Keppt er í samtals 8 flokkum á höfuðborgarsvæðinu og 4 flokkum á landsbyggðinni. Allir þátttakendur fá staðlað viðurkenningarskjal með myndum af Ólympíuhópi FRÍ 2012 og að loknu hlaupi fer fram happdrætti á staðnum þ.s keppnisnúmer gildir sem happdrættismiði. 

Markmið viðburðar
Markmiðið með Maraþonboðhlaupi er fyrst og fremst að auka stuðning við íslenska frjálsíþróttafólkið sem keppir á Ólympíuleikunum í London næstkomandi sumar. Einnig er markmiðið að vekja aukna athygli á íþróttinni og benda á að götuhlaupin eru hluti af frjálsum íþróttum.

Lýsing á hlaupaleið í Reykjavík

Hlaupið hefst kl 18:00. Hlaupnir eru sjö hringir (3,07 km hver) og að auki bætt við rúmum 48 metrum í upphafi til að ná fullri lengd á hálft maraþon (21,0975 km.)

Markið er við innganginn í Húsdýragarðinn. Hlaupið er réttsælis. Eftir beina kaflann í upphafi er beygt til hægri upp stíg í gegnum garðinn átt að Laugarásvegi, síðan beygt til vinstri inn á malarstíg sem liggur að bílastæðinu við Farfuglaheimilið, hlaupið er út að gangstétt við Sundlaugarveg og beygt til hægri upp hana, síðan aftur til hægri inn á gangstéttina við Laugarásveg og henni fylgt að Sunnuvegi, þar er hlaupið eftir Sunnuveginum, fyrst niður og síðan til vinstri í átt að Holtavegi, beygt til hægri og hlaupið á gangstétt meðfram Holtavegi og áfram inn á göngustíg austan við Fjölskyldugarðinn, síðan beygt til hægri inn á gangstétt meðfram Engjavegi, aftur beygt til hægri niður gangstíginn milli Fjölskyldugarðs og Húsdýragarðs, framhjá hringtorginu og beygt til vinstri inn á beina kaflann að markinu og skiptisvæðinu við innganginn í Húsdýragarðinn.

Hvergi er farið yfir umferðargötu, að því undanskildu að heimilt er að hlaupa stystu leið á akbrautinni á Sunnuvegi ef umferð leyfir, en annars haldi hlauparar sig á gangstéttum og stígum. Skiptisvæði er 20 m langt, 10 m beggja vegna marklínunnar.

Maraþonboðhlaup-Kort-Reykjavík

Keppnisflokkar á höfuðborgarsvæði

ÍF: Íþróttafélög (fleiri en einn hópur má vera frá hverju félagi en þá er betra að tilgreina úr hvaða deild félagsins liðið kemur)

  • ÍF1: Karlar
  • ÍF2: Konur

FT: Fyrirtæki (allir meðlimir liðsins verða að hafa verið á launaskrá fyrirtækisins síðustu 3 mánuði fyrir dagsetningu hlaups)

  • FT1: Karlar - fyrirtæki
  • FT2: Konur - fyrirtæki

O: Opinn blandaður flokkur

  • O1: Fyrirtæki/Íþróttamenn/saumaklúbbar ofl. Blandaður flokkur með fleiri körlum en konum
  • O2: Fyrirtæki/Íþróttamenn/saumaklúbbar ofl. Blandaður flokkur með fleiri konum en körlum

E: Einstaklingar (einn hlaupari hleypur alla vegalengdina 21,097 km)

  • E1: Karlar
  • E2: Konur

Lýsing á hlaupaleið á Akureyri

Hlaupið hefst kl 17:30 á bílaplaninu fyrir neðan við leikhúsið á Akureyri. Hlaupið verður um innbæinn, kringum tjarnirnar og til baka. Hringurinn er 3 km.

Keppnisflokkar á landsbyggðinni

Ef framkvæmdaraðili sér að þátttaka í hlaupinu muni bjóði uppá sömu flokkaskiptingu og er á höfuðborgarsvæðinu er velkomið að miða við þá skiptingu.

OL: Opinn blandaður flokkur

  • OL1: Fyrirtæki/Íþróttamenn/saumaklúbbar ofl. Blandaður flokkur með fleiri körlum en konum
  • OL2: Fyrirtæki/Íþróttamenn/saumaklúbbar ofl. Blandaður flokkur með fleiri konum en körlum

EL: Einstaklingar (einn hlaupari hleypur alla vegalengdina 21.097 km)

  • EL1: Karlar
  • EL2: Konur

Boðhlaupskefli
Frjálsíþróttasambandið útvegar boðhlaupskefli. Á hvert boðhlaupskefli munu fyrirtæki geta keypt auglýsingu fyrir 3000 kr. Sett verður einnig upp áheitakerfi í kringum keflin og getur fyrirtækið sem kaupir auglýsingu á kefli/keflin borgað upphæð af eigin ósk ef liðið sem hleypur með kefli þess sigrar. Þannig getur eitt fyrirtæki kostað og keypt t.d 10 kefli og ef liðið sem hleypur með keflið sigrar borgar auglýsandinn aukalega einhverja x upphæð sem það gefur upp fyrirfram.

Skráning, greiðsla og úthlutun keppnisnúmera
Skráning hefst 14. maí og mun fara fram hér á hlaup.is.

Skrá verður nafn sveitar, nöfn hlaupara, keppnisflokk og staðsetningu hlaups á landinu. Fyrirliði hópsins skráir sveitina og greiðir um leið.

Skráningargjald er 10.500 kr á lið.
Skráningargjald í einstaklingshlaup er 3.500 kr.

Keppnisnúmerum verður úthlutað á keppnisstað 4. og 5. júní. 

Nánari upplýsingar
Nánari upplýsingar um hlaupið veitir Þórey Edda Elísdóttir, thoreyedda@fri.is og í síma 663-1863.

Reglur

  1. Þátttakendur skulu hefja hlaup á þeim tímum sem skipuleggjendur á hverjum stað úthluta.
  2. Tímatöku líkur 4 tímum eftir að síðasti hópur er ræstur.
  3. Hlaupnúmerið á að vera sýnilegt allan tímann á meðan hlaupinu stendur.
  4. Við tímatöku verður notast við skeiðklukku.
  5. Hvert lið má skipa allt að 7 hlaupurum en þeir verða allir að vera gildir meðlimir í tilteknum keppnisflokki.
  6. Hver hlaupari getur eingöngu hlaupið í einum flokki en má hlaupa fleiri en einn hlaupaáfanga fyrir lið sitt. Liðsmenn skipta sjálfir hlaupaáföngum milli sín eins og þeir sjálfir óska.
  7. Ein drykkjarstöð skal vera staðsett u.þ.b 300m fyrir framan rásmark/endamark.
  8. Sigurvegari í hverjum flokki er það lið sem kemur boðhlaupskeflinu frá ráslínu til endamarks á stystum tíma.
  9. Enginn þátttakendi má vera yngri en 12 ára (fæddur árið 2000).
  10. Ef þátttakendur hætta hlaupi þarf að tilkynna það starfsmönnum hlaupsins.
  11. Hlaupabrautin er eingöngu ætluð keppendum. Áhangendur og stuðningmenn eiga að vera fyrir utan merkta braut.
  12. Sýna skal öllum starfmönnum hlaupsins kurteisi og fara skal eftir leiðbeiningum og fyrirmælum þeirra.
  13. Brot á ofangreindum reglum ógilda þátttökurétt í hlaupinu.

Alþjóðlegar reglur

Alþjóðlegar reglur um keppni í götuhlaupum - úrdráttur

  1. Upphaf og endir hlaups má vera á íþróttaleikvangi.
  2. Rásmark og endamark skal merkt með hvítri línu, a.m.k. 5 cm breiðri. Vegalengd hlaupsins skal mæld af einstaklingi sem hefur tilskilin réttindi (IAAF approved course measurer) til mælinga. Vegalengd hlaupsins skal mæld þar sem hún getur styst orðið.
  3. Merkingar á hvern km skulu vera þátttakendum vel sýnilegar.
  4. Hlauphaldara ber að tryggja öryggi þátttakenda og starfsmanna gagnvart umferð ökutækja.
  5. Aðstoð og aðhlynning starfsmanna hlaupsins (officials) við þátttakendur á meðan hlaupi stendur telst lögmæt. Aðstoð utanaðkomandi er ólögleg og getur haft í för með sér að árangur verði ógiltur.
  6. Þátttakanda ber að hætta hlaupi strax ef starfsmaður hlaupsins skipar honum að gera svo.
  7. Hlauphaldari skal bjóða upp á drykki og aðra hressingu með jöfnu millibili á hlaupaleiðinni og í endamarki.
  8. Þátttakanda er óheimilt að taka við drykkjum á öðrum stað en merktum drykkjarstöðvum. Að öðrum kosti á hann á hættu að vera dæmdur úr keppni.
  9. Lokatími (the official time) hvers þátttakanda í götuhlaupi skal vera tíminn frá því hlaupið var ræst og þar til viðkomandi kom í mark. Hins vegar má hlauphaldari gefa þátttakanda upplýsingar um tíma hans frá því hann fór yfir ráslínuna og þar til hann kom í mark. Röð þátttakenda í mark skal ráða um stöðu hvers og eins í hlaupinu s.s. í einstökum aldursflokkum (official finish position).

Tekið saman og þýtt af Sigurði P. Sigmundssyni

Til baka
 
 
Athugasemdir
 
 
Settu inn athugasemd:













 
SportÝs 2019
Powerade 2019
HvÝtt bil 5 ß hŠ­ - 2
Local 2019
HvÝtt bil 5 ß hŠ­ - 1
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is