Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
21.4.2014
21.06.2014 - ŮrÝstrendingur

Laugardaginn 21. júní verður fjalla- og skemmtihlaupið Þrístrendingur haldið í fimmta sinn. Þarna verður ekki keppt við tímann heldur miklu frekar keppst við að njóta dagsins og félagsskaparins. Hlaupið er öllum opið og þátttakendur velja alveg sjálfir hvort þeir hlaupa alla leiðina eða bara einn eða tvo áfanga af þremur. Þetta verður sem sagt afar óformlegt og galopið hlaup, og um leið skemmtileg hlaupaæfing og tilbreyting frá daglegu amstri. Þrístrendingur er að sumra mati alveg nauðsynlegur liður í æfingum fyrir Laugaveginn.

Tímasetning
Laugardagur 21. júní 2013 kl. 11.00.

Staðsetning
Kleifar í Gilsfirði (upphaf og endir).

Vegalengd
Um 41 km í þremur áföngum (u.þ.b. 20+10+11 km). Hægt er að taka suma áfanga eða alla. Oft er hægt að fá far milli áfangastaða, en hlaupahaldarar skipuleggja enga flutninga.

Undirlag

  • Fyrsti áfangi: Bílfær vegur
  • Annar áfangi: Hestagata
  • Þriðji áfangi: Vegur, slóðar, vegleysur

Leiðin er öll greiðfær fyrir gangandi fólk og hefur verið farin á fjallahjólum

Aðstandendur 
Aðstandendur hlaupsins eru allir þeir sem taka þátt í því, en þó aðallega frændurnir Dofri Hermannsson frá Kleifum í Gilsfirði og Stefán Gíslason frá Gröf í Bitrufirði. Leiðin liggur einmitt um æskuslóðir þessara frænda.

Þátttökugjöld og skráningar
Í Þrístrendingi eru engin þátttökugjöld. Þetta er nefnilega sannkallað fríhlaup. Hins vegar er nauðsynlegt að vita sem mest um þátttökuna fyrirfram til að hægt sé að laga hæfilega mikið kaffi og baka hæfilega margar pönnukökur. Dofri og Stefán taka við skráningum á dofrihermannsson@gmail.com og stefan@environice.is.
Upplýsingar á Facebook til að auðvelda upplýsingamiðlun má finna á https://www.facebook.com/events/373046399461967/

Hlaupaleiðin: Fyrsti áfangi (Steinadalsheiði)
Hlaupið skiptist í þrjá áfanga, enda er farið um þrjá fjallvegi, þrjár sýslur, þrjá firði og þrjár strendur (eins og nafnið bendir til). Hlaupið hefst sem fyrr segir á hlaðinu á Kleifum í Gilsfirði laugardaginn 21. júní. Frá Kleifum er hlaupið sem leið liggur eftir veginum norður yfir Steinadalsheiði. Þar er hæsti punkturinn í 330 m hæð við sýslumörkin við Heiðarvatn. Þegar komið er niður af heiðinni að norðanverðu liggur leiðin yfir tvær ár, sem stundum er hægt að stikla yfir, en sjaldnast þó þurrum fótum. Leiðin liggur framhjá bæjunum Steinadal, Miðhúsum og Felli og skömmu síðar er komið niður á aðalveginn við botn Kollafjarðar. Þar er beygt til hægri og hlaupinn smáspölur fyrir fjarðarbotninn, framhjá bænum Undralandi, þar til komið er að heimreiðinni að Stóra-Fjarðarhorni. Þangað eru 19-20 km frá Kleifum. Í ljósi reynslunnar má ætla að allir verði komnir að Stóra-Fjarðarhorni um kl. 13:00. Þar verður áð og stefnt að því að allir leggi samtímis upp í næsta áfanga.

Hlaupaleiðin: Annar áfangi (Bitruháls)
Frá Stóra-Fjarðarhorni liggur leiðin næstum því beint upp hlíðina um þúfur og móa þar til komið er á gamla hestagötu. Henni er fylgt skáhallt upp á Bitruháls, sem fer mest í u.þ.b. 380 hæð í svonefndum Skörðum, og áfram niður með Grafargili að bænum Gröf, þar sem Arnheiður húsfreyja og Rögnvaldur bóndi taka á móti hópnum með kaffi og pönnukökum. Leiðin yfir hálsinn er tæpir 10 km. og líklegt að ferðalagið þar yfir taki a.m.k. einn og hálfan klukkutíma. Því má reikna með að hópurinn verði í Gröf um kl. 15:00.

Hlaupaleiðin: Þriðji áfangi (Krossárdalur)
Eftir hæfilega áningu í Gröf hefst endaspretturinn niður túnið og áfram inn Krossárdal, framhjá bæjunum Árdal og Einfætingsgili. Þangað er prýðilegur bílvegur, en innar í dalnum tekur við jeppafær slóði og síðan mýrar og móar. Flestir kjósa að fara þar efst í mýrinni, en aðrir telja betra að fylgja ánni. Leiðin suður dalinn (það er alltaf talað um að fara suður Krossárdal þó að leiðin liggi í raun í vestur) fer mest í 240 m hæð við Krossárvatn. Áfram er haldið með vatnið á vinstri hönd eftir hestagötum þar til komið er fram á klettabrún fyrir ofan Kleifar. Þaðan blasir Gilsfjörðurinn við. Loks liggur leiðin niður bratt og fremur laust einstigi sem nefnist Hafursgata. Þegar henni sleppir er ekkert eftir nema mjúkt graslendi heim að Kleifum. Leiðin þangað frá Gröf er rúmlega 11 km. Ekki er ósennilegt að flestir verði komnir að Kleifum um kl. 17:00. Annars skipta tímasetningar engu máli og eru bara settar fram hér til viðmiðunar.

Tímataka og veitingar
Engin formleg tímataka verður í hlaupinu, heldur notar hver og einn nærtækar klukkur eða dagatöl eftir því sem færi gefst. Drykkjarstöðvar verða hins vegar við hvern læk. Þær eru ómannaðar, nema drykkjarstöðin í Gröf, þar sem búið verður að hella upp á kaffi eins og fyrr segir. Að hlaupi loknu verður safnast saman á Kleifum og þaðan er ekki svo ýkja langt í sundlaug og heitan pott á Reykhólum ef vilji er fyrir hendi.

Smáa letrið
Þeir sem taka þátt í hlaupinu gera það á eigin ábyrgð.

Lesefni og nánari upplýsingar
Hægt er að sjá frásögn og nokkrar myndir frá hlaupinu í fyrra á http://stefangisla.com/2013/06/28/thristrendingur-i-fjorda-sinn/

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is