Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2020
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
29.5.2020
29.07.2020 - Adidas Boost hlaupi­

Adidas Boost hlaupið fer fram miðvikudaginn 29. júlí kl. 20:00.

Um er að ræða skemmtilegt hlaup á hraðri braut. Tilvalið til að bæta 10 km tímann sinn rétt fyrir Verslunarmannahelgina.

Staðsetning
Hlaupið hefst við Rafstöðvarheimilið í Rafstöðvarbrekkunni í Elliðaárdal. Bílastæði neðst við Rafstöðvarveg. Einnig hægt að leggja við Ártúnsskóla og eða Árbæjarsafn sem er stutt frá upphafi og enda hlaupsins. Fólk er hvatt til að koma gangandi/hjólandi t.d úr Fossvogi, Breiðholti, Árbæ, Ártúnsholti og víðar enda aðgengi með göngustígum orðið virkilega gott í Elliðaárdal.

Eftir hlaupið verður gaman á svæðinu, næring, drykkir, verðlaunaafhendingar, útdráttarverðlaun, tónlist og stemning. Íþróttadrykkur verður í boði nálægt 7 km og endamarkssvæði.

Vegalengd
10 km hlaupaleið sem ætti að vera fýsilegur kostur til bætinga að mati skipuleggjanda.

Hlaupaleið
Hlaupaleiðin er 10 km, löglega mæld af FRÍ. Heildarfall (lækkun) í hlaupaleið er um 9 metrar sem er löglegt, en 10 km hlaup má falla/lækka sem nemur einum metra fyrir hvern kílómetra til að teljast innan löglegra marka.

Hlaupið hefst efst í Rafstöðvarbrekkunni í Elliðaárdal og hlaupið er upp Elliðaárdalinn undir brúna við stífluna, að Fylkisvelli og Árbæjarsundlaug og meðfram Fylkisvelli og síðan til hægri yfir brúna. Síðan göngustígar niður Elliðaárdalinn, alla leið að undirgöngum inn í Fossvog, framhjá Víkingsheimili, á hjólastíg mest alla leið í Fossvogsdal, nú í ár með smá breytingu á braut er farið nánast alla leið inn Fossvogsdal og snúið við rétt áður en komið er að Svartaskógi og svo göngustígur til baka, framhjá Víkingsheimili, undirgöng og beint yfir Elliðaárdalinn á Rafstöðvarveg, framhjá gömlu rafstöðinni og endasprettur áfram og aðeins inn í rafstöðvabrekkuna.

Breytingin í ár er að í stað þess að fara til vinstri inn í Elliðaárdal eftir Fossvoginn þá er hlaupið beint áfram úr undirgöngunum eftir nýja stígnum og beint yfir á Rafstöðvarveg. Í staðinn er hlaupið aðeins lengra inn Fossvoginn og snúið við síðar en áður. Þetta veldur því að brautin er enn hraðari en áður, einn snúningspunktur sem er örlítið víðari en áður og í Elliðaárdal eru færri 90° beygjur.
Leiðin er teiknuð með það í huga að vera skemmtileg í flottu umhverfi að sumarkvöldi og samtímis hröð og því góð til bætinga. Eftir hlaup verður verðlaunaafhending og gaman í og við Rafstöðvarheimilið.  

Kort af leiðinni


Skoða hlaupaleiðina á stærra korti.

Flokkaskipting
Aldursskipting hjá báðum kynjum:

  • 15 ára og yngri
  • 16-29 ára
  • 30-39 ára
  • 40-49 ára
  • 50-59 ára
  • 60-69 ára
  • 70 ára og eldri

Verðlaun
Vinningar fyrir fyrstu þrjá í hlaupinu, karla og kvenna. Einnig fyrir sigurvegara í hverjum aldursflokki karla og kvenna. Glæsileg útdráttarverðlaun, m.a. reiðhjól eins og undanfarin ár.

Þátttökugjald og skráning
Þátttökugjöld eru eftirfarandi:

Forskráðir fyrir kl. 24 laugardaginn 25. júlí:

  • 2.500 kr fyrir 16 ára og eldri (f. 2004 og fyrr)
  • Frítt fyrir 15 ára og yngri (f. 2005 og síðar)

Skráning eftir kl. 24 laugardaginn 25. júlí:

  • 3.500 kr fyrir 16 ára og eldri (f. 2004 og fyrr)
  • 500 kr fyrir 15 ára og yngri (f. 2005 og síðar)

Skráning er á hlaup.is og lýkur þriðjudaginn 28. júlí kl. 24:00 hér á hlaup.is. Keppnisgögn eru afhent í GÁP í Faxafeni milli kl. 12 og 18 á hlaupdag.

Nánari upplýsingar
Á Facebook: Adidas Boost hlaupið  

Nánari upplýsingar veitir Ívar Trausti, netfang ivar@komaso.is eða skilaboð í farsíma 8242266.

 

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU Jan 2020
HvÝtt bil 5 ß hŠ­ - 3
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is