Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
08.09.2012 - RunIceland Half marathon Kaldadal

RunIceland-Landslag

RunIceland stendur fyrir 110 km áfangahlaupi á Íslandi milli 3. og 8. september nk.

Fimmti og síðasti áfangi hlaupsins er hálft maraþon sem er einnig sér keppni og opinn öllum. Hlaupið er með 30 ofurhlaupurum frá mörgum löndum sem verða búnir með fyrstu fjóra áfangana (sjá http://www.runiceland.org).

Í fimmta áfanga er hlaupið frá Ormavöllum fyrir ofan Sandkluftavatn (Uxahryggjarvegur, 18 km norður af þjónustumiðstöð Þingvalla) upp að gamla Kaldadalsveg, í gegnum Tröllaháls og Biskupsbrekku og lýkur eftir 21,1 km, við Hrúðurkarla (624 m). Þetta er æsispennandi hlaupaleið með magnað útsýni og náttúruumhverfi (sjá kort).

Í boði er einnig ca. 10 km hlaup frá startinu til drykkjarstöðvarinnar.

ATH. Aðeins 50 sæti eru í rútunni, þannig að skráning er takmörkuð við 40 hlaupara annars vegar í 21,1 km hlaupið og 40 hlaupara í 10 km hlaupið.

Aldurstakmark
18 ára.

Tímamark
3 klukkustundir.

Kort og hlaupaleið
Keppni hefst frá á Uxahryggjarvegi (550) við Ormavelli (fyrir ofan Sandkluftavatn, 18 km norður af þjónustumiðstöð Þingvalla) upp á gamla Kaldadalsveg, í gegnum Tröllaháls, Bláskógaheiði og Biskupsbrekku og lýkur eftir 21,1 km við Hrúðurkarla (624m). Malarvegur er alla leiðina þannig að ekki ætti að vera mikil hætta á að farið sé af leið.

Sjá kort af leiðinni.

Sjá hæðarkort af leiðinni.

Drykkjarstöðvar
Ein drykkjarstöð er eftir 10,5 km, eftir gatnamót við Uxahrygg. Keppendum er ráðlagt að hafa meðferðis drykkjarbelti, orkugel eða aðra næringu.

Þátttökugjald og skráning
Forskráning er hér á hlaup.is. Þeir sem forskrá sig á hlaup.is þurfa að sýna skilríki við greiðslu þátttökugjalds og afhendingu gagna á staðnum.

  • 21,1 km  - 5.000 kr (greiðist á staðnum með peningum, ekki tekið við kortum)
  • 10 km - 4.000 kr (greiðist á staðnum peningum, ekki tekið við kortum)

FORSKRÁNING ER ÆSKILEG. Hún felur í sér rétt til að fá far aftur á startið með rútu. Þeir sem forskrá sig fyrir 8. september eiga rétt að fá far með rútu frá þjónustumiðstöðinni til startsins og frá marki til þjónustumiðstöðvarinnar.

Það er einnig hægt að skrá sig á staðnum en þá þurfa hlauparar að koma sér aftur á startið á eigin vegum. Hlauparar sem ekki forskrá sig þurfa fylla út eyðublað á staðnum, þess vegna er mikilvægt að mæta tímanlega. Þeir sjá svo sjálfir um far til startsins og svo frá markinu aftur til þjónustumiðstöðvarinnar.

Skráningu á staðnum og afhendingu rásnúmera lýkur kl. 10:00.

DAGSKRÁ

  • Mæting er kl. 9:30 við þjónustumiðstöð Þingvalla.
  • Farið verður að startinu kl. rúmlega 10 með rútu að Sandkluftavatni. Keyrt er um 18 km.
  • Hlaupið hefst um leið og rútan er komið á startið, eða upp úr kl. 10:30.

AÐRAR UPPLÝSINGAR
Þeir sem forskrá sig og fara með rútunni, geta skilið eftir í henni merktar töskur með aukafötum. Í töskunni geta verið t.d. plastpoki (sem notaður verður eftir hlaup til að setja í hlaupaföt), skór, sokkar, bolur, peysa og fleira. Þannig gefst kostur á að skipta um föt og skó um leið og hlaupið er búið og er beðið í rútunni á meðan keppendur koma í mark. Hlauparar eru beðnir um að merkja töskuna sína vel en engin ábyrgð er tekin á verðmætum í farangri.

Hlaupið er aðallega upp brekku og er alltaf á malarvegi og því þarf ekki að vaða polla eða sprænur en það gæti þó verið blautt og alltaf er von á óvæntri rigningu, þannig að það er mikilvægt að hafa meðferðis hlý og þurr föt og við minnum á handklæði.

Drykkjarbrúsa og orkugel eða aðra næringu er ráðlagt að taka með í hvaða veðri sem er en athugið sérstaklega að lögð er áhersla á að rusli sé ekki fleygt á víðavangi. Hlaupurum er skylt að taka með sér allt rusl og henda því á drykkjarstöð eða á marksvæði.

Athugið að það er ekki salernisaðstaða á marksvæði.

Að hlaupinu loknu bíður rútan við markið þangað til hámarkstíma er náð, sem er þrjár klukkustundir eftir rástíma, svo er keyrt á hlaupaleið til baka og tíndir verða upp þeir hlauparar (sem kom með rútu á startið) en náðu ekki að klára hlaupið innan þriggja klst.

Við ítrekum að hlauparar sem forskrá sig ekki, þurfa að skipuleggja sjálfir far til baka frá markinu að þjónustumiðstöð Þingvalla.

Um leið og rútan er komin til baka til þjónustumiðstöðvarinnar (u.þ.b. kl. 14:00) verður verðlaunaafhending.

Í þjónustumiðstöðinni er hægt að kaupa sér hressingu fyrir og eftir hlaupið og salerni eru til staðar þar.

Þjálfun
Hefðbundin hálfmaraþonþjálfun er nóg og æskileg er að æfa sig í brekku.

Útbúnaður
Ráðlagt er að koma með bæði létt og vatnsheld föt og klæða sig svo eftir veðri rétt fyrir hlaupið. Hækkun er um 400 metrar og það gæti verið kaldara við markið en startið.

Það er ráðlagt að vera í hlaupaskóm með grófum sóla en hægt er að hlaupa á malarvegi á venjulegum hlaupaskóm.

Að hætta á miðri leið
Þeir hlauparar sem ekki komast í mark innan tímamarka (3 klst.) verða að hætta hlaupinu og verða þeir teknir upp í rútu og keyrðir til baka að þjónustumiðstöð.

RunIceland Half Marathon Kaldidalur er 21,1 km upp brekku og því er gengið út frá því að þátttakendur hafi þjálfað sig fyrir þá vegalengd og með skráningu skuldbinda þeir sig til að fara alla leið.

Það er ekki í boði að hætta við á leiðinni nema viðkomandi sé veikur eða slasaður. Að flytja þátttakendur með bíl á hlaupaleið er eingöngu hugsað sem neyðaraðstoð. Þeir sem neyðast til þess að hætta á miðri leið verða að gefa sig fram við starfsmann hlaupsins á drykkjarstöð eftir 10,5 km eða við startið. Þetta er mjög mikilvægt.

Verðlaun
Þeir sem ljúka hlaupinu fá hlaupabol sem þátttökuverðlaun.

Auk þess eru veittar eftirfarandi viðurkenningar:

  • Þrír fyrstu karlar og þrjár fyrstu konur hljóta sérverðlaun.
  • Verðlaun eru fyrir fyrsta sæti karla og kvenna fyrir Íslendinga.

Innifalið í þátttökugjaldi 21,1 km hlaups (5.000 kr.) er:

  • Brautar- og öryggisgæsla.
  • Drykkir á drykkjarstöð í miðri leið og í markinu.
  • Flutningur frá þjónustumiðstöð til startsins og frá marki til baka (aftur: Bara fyrir þá sem skrá sig í forskráningu).
  • Stuttermabolur.
  • Sigurverðlaun.
  • Tímataka og númer.

Tillitsemi
Til þess að gera mótshaldara kleift að framkvæma hlaupið, er þátttakendum settar reglur um heiðarlega keppni og virðingu fyrir náttúrunni. Óheimilt er með öllu að kasta frá sér rusli á leiðinni (sjá skilmála).

SKILMÁLAR

  • Með því að skrá sig í RunIceland, staðfesta allir þátttakendur að þeir séu líkamlega og andlega hæfir og með nægan undirbúning að baki til að hlaupa 21,1 km í Kaldadalshlaupinu.
  • Þátttakendur staðfesta að þeir hafi kynnt sér reglur hlaupsins og ætli að fara eftir þeim í hvívetna.
  • Þátttakendur þurfa að hafa hlaupanúmer sýnilegt að framanverðu til þess að aðrir þátttakendur og starfsmenn geti séð hverjir eru skráðir í hlaupið.
  • Óheimilt er að þiggja utanaðkomandi aðstoð einhvers sem ekki er skráður þátttakandi í hlaupið nema í neyðartilvikum.
  • Hver og einn þátttakandi þarf að bera sitt eigið rusl.
  • Þátttakendur skulu taka tillit til annarra þátttakenda.
  • Þátttakendur mega aðstoða aðra þátttakendur með öryggi sitt og annarra í huga.
  • Allir þátttakendur þurfa að virða tímamörk sem eru þrjár klukkustundir við markið. Tímareglan þýðir að þátttakandi sem ekki nær uppgefnum tímamörkum er hættur keppni en hann er samt á ábyrgð mótshaldara og hefur ekki leyfi til að halda áfram á eigin vegum nema með leyfi hlaupastjórans. Þeir sem ekki fara eftir þessum fyrirmælum hafa ekki rétt til frekari þjónustu af hálfu hlaupsins og bera þann kostnað sem til fellur við leit björgunarsveita.
  • Mótshaldari mun vísa frá keppni hverjum þeim sem fer ekki eftir reglum hlaupsins.
  • Skráningargjald er ekki endurgreitt og er ekki hægt að færa til næsta árs.

Réttur mótshaldara

  • Mótshaldari er ekki ábyrgur fyrir utanaðkomandi áhrifum á hlaupara eins og veðri, náttúruhamförum, umferð farartækja eða öðru óvæntu sem getur haft áhrif á þátttakendur.
  • Mótshaldari getur afskráð þátttakanda sem skapar hættu fyrir sjálfan sig og/eða aðra.
  • Mótshaldari er ekki ábyrgur fyrir veikindum eða slysum þátttakenda, til og frá mótsstað og meðan á hlaupi stendur. Þátttakendur eru hvattir til að leita aðstoðar starfsmanna hlaupsins ef slys eða veikindi koma upp.
  • Þátttakendur eru alltaf á eigin ábyrgð þrátt fyrir að þeir þiggi aðstoð starfsmanna hlaupsins.
  • RunIceland, sem er framkvæmdaraðili hlaupsins, áskilur sér rétt til að aflýsa hlaupinu með stuttum fyrirvara vegna veðurs eða annarra ófyrirsjáanlegra ástæðna sem geta skapað hættu fyrir þátttakendur og starfsmenn.

Kærur

  • Þátttakendur sem telja að á sér hafi verið brotið geta lagt fram kæru til mótshaldara.
  • Kæra þarf að berast skriflega til hlaupstjóra á meðan hlaupið stendur yfir.
  • Kæra vegna heildarúrslita þarf að berast í síðasta lagi kl. 17:30 á hlaupdegi.

 

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is