Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2020
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
11.07.2020 - HvÝtasunnuhlaup Hauka og Brooks

Hvítasunnuhlaup Skokkhóps Hauka og Brooks fer fram laugardaginn 11. júlí 2020 kl. 10:00 í áttunda sinn.

Stefnt er að því að halda hlaupið með svipuðu sniði og undanfarin ár en hlauparar þurfa að vera viðbúnir því að breytingar geti átt sér stað allt eftir því hvernig málin þróast vegna Covid faraldursins.

Skráningagjaldið er það sama og í fyrra 5500 kr. Eins og undanfarin ár styrkjum við Skógræktarfélag Hafnarfjarðar en i ár ætlum við einnig að styrkja félagið okkar Hauka, sem hefur, eins og öll önnur íþróttafélög orðið fyrir miklu tekjutapi í ár. Því höfum við ákveðið að í ár verða engir verðlaunapeningar en í staðinn styrkjum við Haukana um 500 krónur fyrir hverja skráningu í hlaupið.

Hvítasunnuhlaup Hauka og Brooks er glæsilegt utanvegarhlaup um uppland Hafnarfjarðar. Hlaupið byrjar og endar á Ásvöllum í Hafnarfirði. Eins og áður verður hlaupið um uppland Hafnarfjarðar en hlaupið er frá Ásvöllum í Hafnarfirði.. Hlaupið er viðkennt af ITRA og gefur 1 punkt.

Hlauparar eru hvattir til að skoða myndir og myndbönd úr Hvítasunnuhlaupinu sem gefur glögga mynd af stemmningunni í hlaupinu.

Vegalengdir

Sjá kortið nánar.

GPS af hlaupaleið.

Skráning
Skráning fer fram á hlaup.is hefst fljótlega og er hægt að skrá sig í hlaupið til kl. 23:59 6. júlí. ATH í fyrra seldist upp í hlaupið. 

Nánari upplýsingar um afhendingu gagna verða birtar á Facebooksíðu hlaupsins þegar nær dregur.

Fjöldi í hlaupinu er takmarkaður við 500 hlaupara og því er um að gera að skrá sig sem fyrst en í fyrra seldist upp í hlaupið.

Þátttökugjald
5.500 kr. í forskráningu og 6.500 kr. á hlaupadegi. 

Hlaupaleiðin
Hlaupið er um stórkostlegar náttúruperlur í næsta nágrenni Hafnarfjarðar s.s. Ástjörn, Hvaleyrarvatn, Stórhöfða og Höfðaskóg. 

22 km leiðin

Hlaupið er frá Ásvöllum, hálfan hring í kringum Ástjörnina, upp á Vatnshlíðina, niður að Hvaleyrarvatni og réttsælis meðfram vatninu. Þaðan á malarveg að Stórhöfðastíg, eftir stígnum í kringum Stórhöfðann og síðan upp á höfðann, niður af höfðanum hinumegin og inn Kjóadalinn. Þaðan er hlaupið örstutt eftir malarvegi og inn á stíg til vinstri sem liggur nánast að skátaheimilinu við Hvaleyrarvatn. Þar er haldið eftir malarvegi til hægri tæplega 5 km. hring eða þar til komið er inn í skógræktina. Inn í skógræktinni er hlaupinn smá hringur og komið út nálægt Skátaheimili en þá er haldið að Hvaleyrarvatni. Leiðin liggur þá eftir skógarstígum upp í hlíðinni og aftur niður að vatni. Nú er farið rangsælis meðfram vatninu u.þ.b 600m þar til beygt er upp Vatnshlíðina. Farið er yfir Vatnshlíðina og til baka að Ástjörn, til vinstri í átt að Ásvöllum eftir malarstíg, yfir litla göngubrú, kringum íþróttasvæðið rangsælis og komið í mark á Ásvöllum á sama stað og var ræst. 

17 km leiðin

Sama leið og 22 km en 17 km hlauparar sleppa 5 km hringnum við skátaheimilið.

14 km leiðin

Sama leið og 22 km en 14 km hlauparar sleppa 5 km hringnum við skátaheimilið og fara ekki upp á Stórhöfða.

Aldurstakmark
Hlauparar verða að vera 16 ára á árinu. 

Tímataka
Tímataka með flögu. 

Verðlaun
Veitt eru verðlaun fyrir þrjú efstu sætin, í kvenna- og karlaflokki, í hverri vegalengd, 14 km, 17,5 km og 22 km.

Þá verða fjölmörg glæsileg útdráttarverðlaun. 

Þjónusta - AHT birt með fyrirvara um breytingar
Boðið verður upp á vatn og orkudrykki á þremur drykkjarstöðvum. Hlauparar í 22 km hlaupi mega EINUNGIS nota drykkjarstöð númer 2, en ekki aðrar drykkjarstöðvar. Þetta er gert vegna ITRA reglna. 

Ekki verður boðið upp á pappa- eða plastmál á drykkjarstöðvum, heldur verða hlauparar að koma með fjölnota glas til að geta fengið drykk á drykkjarstöðvum. Ekkert glas, enginn drykkur.

Eftir hlaup verður öllum hlaupurum boðið upp á m.a. Hleðslu, heita súpu og brauð. Frítt er í sund fyrir hlaupara í Ásvallasundlaug.

Nánari upplýsingar
Facebooksíðu hlaupsins: Hvítasunnuhlaup Hauka og Brooks

Nánari upplýsingar má nálgast með því að senda póst á hvitasunnuhlauphauka@gmail.com.

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU Jan 2020
HvÝtt bil 5 ß hŠ­ - 3
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is