Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2020
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
27.06.2020 - Hamingjuhlaupi­

Hamingjuhlaupið verður haldið í 12. sinn laugardaginn 27. júní 2020, en þetta hlaup tilheyrir flokki gleðihlaupa. Hlaupararnir halda yfirleitt hópinn og fylgja fyrir fram gerðri tímaáætlun sem svipar mjög til strætisvagnaáætlunar. Hlaupaleiðin er afskaplega breytileg frá ári til árs, en hlaupið er fastur liður í bæjarhátíðinni Hamingjudagar á Hólmavík. Að þessu sinni verður hlaupið um Vatnadal úr Gilsfirði til Hólmavíkur, samtals u.þ.b. 36,2 km. Vatnadalur var líka hlaupinn í Hamingjuhlaupinu 2014 (sjá neðar), en þá var farin óhefðbundin leið fyrstu kílómetrana. Nú verður farin sú leið sem talin er hvað upprunalegust.

Hamingjuhlaupið hefst kl. 10:30 umræddan laugardag á veginum í vestanverðum Gilsfirði, nánar tiltekið við Mávadalsá, u.þ.b. 9 km fyrir innan Króksfjarðarnes. Frá Hólmavík eru um 35 km að Króksfjarðarnesi, þannig að vegalengdin frá Hólmavík að upphafsstaðnum er um 44 km eftir akveginum. Lagt verður af stað upp með Mávadalsá kl. 10:30 og sérstakri tímaáætlun fylgt eftir bestu getu eins og jafnan er gert í Hamingjuhlaupum. Hlaupið endar svo á Hólmavík stundvíslega kl. 16:00. Þeir sem ekki treysta sér til að hlaupa alla leið geta valið sér hentuga búta úr leiðinni eftir tímaáætluninni. Vegna sóttvarna verður ekki boðið upp á hnallþóruhlaðborð að hlaupi loknu, en þess í stað verður tekið sérstaklega á móti hlaupurunum við komuna til Hólmavíkur - með viðeigandi veitingum og gleði.

Tímaáætlunina í heild má sjá á meðfylgjandi mynd.

 TTímatafla Hamingjuhlaup

Að þessu sinni verður Hamingjuhlaupið jafnframt fjallvegahlaup, nánar tiltekið hlaup nr. 58 í fjallvegahlaupaverkefni Stefáns Gíslasonar. Fjallvegahlaupinu sem slíku lýkur reyndar á vegamótum á svokölluðum Innstrandavegi við brúna yfir Miðdalsá í Steingrímsfirði, u.þ.b. 650 m fyrir innan félagsheimilið Sævang þar sem Sauðfjársetrið er nú til húsa. Vegalengdin í fjallvegahlaupinu er áætluð 24,6 km, en þegar því er lokið liggur fyrir að skokka síðustu 11,6 kílómetrana eftir malbikuðum vegi til Hólmavíkur, þar sem Hamingjuhlaupinu lýkur með móttöku og veitingum kl. 16:00 eins og fyrr segir.

Stefán Gíslason, bóndasonur frá Gröf í Bitrufirði og fyrrum sveitarstjóri á Hólmavík, er upphafsmaður Hamingjuhlaupsins. Sagan segir að þátttakendur öðlist mikla hamingju að hlaupi loknu. Ekki er þörf á að skrá sig í hlaupið, en snjallt að láta vita af sér með fyrirvara.

Fyrirspurnum varðandi hlaupið má beina til Stefáns í netfangið stefan@environice.is. Endilega takið þátt - það eykur hamingju, gleði, gæfu og heilsu! 

Frásagnir af hamingjuhlaupum fyrri ára má lesa hér:

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU Jan 2020
HvÝtt bil 5 ß hŠ­ - 3
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is