Hausmynd2018-RM2017
Squeezy Sport Nutrition
Nßmskei­
Gjafakort
Hlaupanßmskei­
Styrktarnßmskei­
Laugavegsnßmsk. 2019
Nßmskei­-FyrirtŠki
Panta Šfingaߊtlun
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Nßmskei­  >  Laugavegsnßmskei­ 2011
Undirb˙ningsnßmskei­ fyrir Laugaveginn 2011

Hlaup.is í samvinnu við Sigurð P. Sigmundsson býður upp á 4 mánaða undirbúningsnámskeið fyrir Laugaveginn frá 17. mars til 16. júlí.

Helen-LAU10_0850

Það að hlaupa Laugaveginn er mikil persónuleg áskorun. Til að tryggja að hlaupið verði ánægjuleg og skemmtileg eynsla og að sem bestur árangur náist í hlaupinu án áfalla, er mjög mikilvægt að undirbúa sig vel. Nú býðst hlaupurum að taka þátt í undirbúningi fyrir Laugaveginn undir stjórn reyndra hlaupara, Sigurðar P. Sigmundssonar Íslandsmethafa í maraþoni (2:19:46) og margreynds Laugavegsfara og Torfa H. Leifssonar umsjónarmanns hlaup.is.

Árið 2009 var námskeiðið haldið í fyrsta skipti og tóku 30 manns þátt í námskeiðinu. Í fyrra jókst fjöldinn í tæplega 50 manns. Árangurinn var með miklum ágætum, þar sem Helen Ólafsdóttir sigraði í kvennaflokki á nýju brautarmeti og Flóki Guðmundsson varð í 4. sæti í karlaflokki, en bæði voru þau á námskeiðinu 2009 og 2010.

Hægt verður að skrá sig út mars og eitthvað fram í apríl. Undirbúningsfundur verður 17. mars kl. 20 í fyrirlestrarsal á 3. hæð í húsi ÍSÍ í Laugardalnum (Íþrótta- og Ólympíusamband Íslands íþróttamiðstöðinni Laugardal, sjá staðsetningu á ja.is).

Í undirbúningnum felst eftirfarandi:

  • Persónuleg áætlun allan tímann, en til 4 vikna í senn, sem tekur mið af fyrri hlaupareynslu, meiðslum, núverandi stöðu og fleiru.
  • Ein samæfing í miðri viku. Í Laugardalnum fram í miðjan apríl en eftir það til skiptis í Laugardal og Heiðmörk ásamt fleiri stöðum.
  • Ráðgert er að fara sameiginlega í nokkur fjallahlaup (Esjan, Hengillinn, Helgafell) í maí og júní.
  • Fyrirlestur í upphafi þar sem farið verður yfir alla þætti í undirbúningi, æfingarnar, útbúnað og fleira.
  • Aðgangur að þjálfurunum allan tímann í tölvupósti og/eða í síma.
  • Farið yfir ýmsa þjálffræðilega þætti og frekari undirbúning á æfingum.
  • Fyrirlestur einni viku fyrir Laugaveginn þar sem farið verður yfir lokaundirbúninginn.
  • Öllum sem taka þátt í námskeiðinu verður fylgt eftir í Laugavegshlaupinu. Þjálfarar verða til staðar við upphaf hlaups og taka á móti öllum við endamarkið.

Gjald fyrir ofangreint er 24.900 kr. Þátttakendur á landsbyggðinni, sem ekki eiga möguleika á að sækja sameiginlegar æfingar, fá 20% afslátt. Einnig verður veittur 15% afsláttur af vörum í vefverslun hlaup.is/Stoðar í Hafnarfirði.

Vinsamlegast hafið samband við Torfa H. Leifsson, torfi@hlaup.is, sími 845-1600 eða Sigurð P. Sigmundsson, siggip@hlaup.is, sími 864-6766, ef þið hafið spurningar eða viljið skrá ykkur. Þið getið einnig skráð ykkur beint með því að smella á eftirfarandi tengil.

Skráning á undirbúningsnámskeið fyrir Laugaveginn 2011.

Hægt er að skoða myndir frá æfingum í fyrra á Facebook síðu námskeiðsins.

Ummæli nokkurra þeirra sem hafa sótt námskeiðið:

„Námskeiðið var vel skipulagt og veitti gott aðhald í æfingunum. Einnig var félagsskapurinn frábær og mikill andlegur stuðningur sem er ekki síður mikilvægur í stífum undirbúningi fyrir Laugaveginn. Mæli hiklaust með hlaupanámskeiði Sigurðar og Torfa!"

Soffía Sveinsdóttir (Laugavegur 2009: 7:36:27)

„Ég mæli með þessu námskeiði fyrir alla sem ætla sér að hlaupa Laugaveginn í sumar. Námskeiðið var mjög fræðandi og skemmtilegt. Vel uppsettar hlaupaáætlanir og æfingar héldu mér við efnið fram að hlaupinu. Ég hefði ekki viljað missa af þessu námskeiði. Takk fyrir mig."

Pétur Smári Sigurgeirsson (Laugavegur 2009: 6:05:25)

„Á námskeiðinu hjá Torfa og Sigurði einsetti ég mér að ná meiri hraða í hlaupin. Námskeiðið hjálpaði mér að ná settu markmiði og gott betur en það."

Freyr Hákonarson (Laugavegur 2009: 6:51:41)  

Helen-LAU10_0850

„Ég hafði  hlaupið stuttar vegalengdir í talsverðan tíma og hræddist tilhugsunina um að hlaupa mikið lengra en 10km.  Ég hafði heyrt um Laugavegshlaupið og hlustað á lýsingar hlaupara sem lýstu þessu hlaupi sem einstöku. Ég lét svo til leiðast og skráði mig í hlaupið í byrjun árs 2009. Ég var staðráðin í að fá besta mögulega undirbúning til að upplifunin af hlaupinu yrði eitthvað í líkingu við það sem aðrir hlauparar höfðu lýst fyrir mér. Ég skráði mig á undirbúningsnámskeið sem Sigurður  og Torfi á hlaup.is höfðu veg og vanda af. Undirbúningurinn var frábær í alla staði, frábær leiðsögn reynslumikilla manna og var vel haldið utan um hvern og einn í hópnum allan tímann. Þessi frábæri undirbúningur skilaði mér einum skemmtilegasta degi sem ég hef upplifað og það er alveg öruggt að ég mun fá aðstoð þeirra við að ná markmiðum mínum í Laugavegshlaupinu í ár."

Helen Ólafsdóttir (Laugavegur 2010: 5:21:12, Laugavegur 2009: 6:10:17)

„Markmiðið mitt í Laugavegshlaupinu var fyrst og fremst að ná á leiðarenda, enda hafði ég bara einu sinni á æfinni hlaupið 32 km, sem þá tók mig tæpar 4 klst. Ég skráði mig í Laugavegshópinn í mars og árangurinn kom fljótlega í ljós. Ég fór að gæla við tímann 7:30 og jafnvel 7:00, þegar leið fram á sumar.  Lokatími minn varð síðan 6:46 ! Eftir hlaupið hélt ég síðan æfingunum áfram með æfingaplani frá Sigurði P. og tveimur mánuðum síðar hljóp ég mitt fyrsta götumaraþon í Berlín á tímanum 3:52 !! Eftir á að hyggja er þetta ótrúlega góður árangur. Ég rann ljúflega í gegnum bæði hlaupin, þó hitinn i Berlín hafi pirrað mig og gert út um vonir mínar um 3:45. Ég er búinn að skrá mig aftur í Laugaveginn og ætla að æfa aftur með Laugavegshóp hlaup.is."

Örn Halldórsson (Laugavegur 2009: 6:46:00)

„Það var algjört lykilatriði fyrir mig að undirbúa þessa áskorun með því að fylgja einstaklingssniðinni áætlun og fá aðhald frá skipuleggjendunum/þjálfurunum. Ég er mjög ánægður með hvernig að námskeiðinu var staðið og fannst reynsla og þekking þjálfaranna skila sér þegar kom að stóra deginum."

Flóki Guðmundsson (Laugavegur 2010: 5:02:35, Laugavegur 2009: 5:32:14)

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is